LOADING

Type to search

News

ഞാന്‍ വിളിച്ചാല്‍ നീ ഇറങ്ങി വരുമോ. കാമുകന്റെ ക്ലീഷേ ചോദ്യത്തിന് ചുട്ട മറുപടി നല്‍കിയ കാമുകി. പിന്നീട് അശ്വതി ശ്രീകാന്തിന്റെ ജീവിതത്തില്‍ സംഭവിച്ചതെന്ത്.

webdesk 4 weeks ago
Share

തിരുവനന്തപുരം: ഞാന്‍ വിളിച്ചാല്‍ നീ ഇറങ്ങി വരുമോ. കാമുകന്റെ ക്ലീഷേ ചോദ്യത്തിന് ചുട്ട മറുപടി നല്‍കിയ കാമുകി. പിന്നീട് അശ്വതി ശ്രീകാന്തിന്റെ ജീവിതത്തില്‍ സംഭവിച്ചതെന്ത്. മേക്കപ്പ് ഒക്കെ ഇട്ട് കല്യാണ സാരിയൊക്കെ ഉടുത്തൊരു ഫോട്ടോ എടുക്കണമെന്ന ആഗ്രഹത്തിന്റെ പുറത്ത് പണ്ട് കാമുകനോട് കൂടെ ഇറങ്ങി വരില്ലെന്ന് പറഞ്ഞ സംഭവത്തിന്റെ മധുരമുളള ഓര്‍മ്മ നുണയുകയാണ് മലയാളികളുടെ പ്രിയങ്കരിയായ അവതാരക അശ്വതി ശ്രീകാന്ത്.

അന്നത്തെ ആ ക്ലിഷേ കാമുകന്‍ ഇപ്പോള്‍ ഭര്‍ത്താവിന്റെ റോളിലാണ്. ശ്രീകാന്തിനൊപ്പമുള്ള ജീവിതം വിജയകരമായി ഏഴാം വര്‍ഷത്തിലേക്ക് എത്തിയതിന്റെ സന്തോഷം പങ്കുവെയ്ക്കുന്ന കുറിപ്പിലാണ് അശ്വതി തന്റെ പ്രണയകാലത്തെ രസകരമായ സംഭവം ഓര്‍ത്തെടുക്കുന്നത്.

വിവാഹവാര്‍ഷിക ദിനത്തില്‍ അശ്വതി ഫേസ്ബുക്കില്‍ പങ്കുവെച്ച ഈ കുറിപ്പ് സോഷ്യല്‍മീഡിയയില്‍ വൈറലാകുകയാണ്. വീട്ടുകാര്‍ സമ്മതിച്ചിട്ട് കല്യാണം നടക്കില്ലെന്ന അവസ്ഥയില്‍ തന്റെ കൂടെ ഇറങ്ങിവരുമോയെന്ന് കാമുകന്‍ ചോദിച്ചെന്നും ഇല്ലെന്ന് മുഖത്തു നോക്കി പറഞ്ഞെന്നും അശ്വതി പറയുന്നു. ഒടുവില്‍ ഇത്തിരി കാത്തിരുന്നിട്ടായാലും വീട്ടുകാരുടെ സമ്മതത്തോടെ വിവാഹം കഴിച്ചെന്നും അശ്വതി ഫേസ്ബുക്ക് കുറിപ്പില്‍ പറയുന്നു.

അശ്വതി ശ്രീകാന്തിന്റെ ഫേസ്ബുക്ക് പോസ്റ്റ്:

വീട്ടുകാര് സമ്മതിച്ചിട്ട് കല്യാണം നടക്കുമെന്നു ഒരു പ്രതീക്ഷയുമില്ലാതിരുന്ന കാലത്ത് കാമുകന്റെ കല്‍ഷേ ചോദ്യം: ഞാന്‍ വിളിച്ചാ നീ ഇറങ്ങി വരുവോ
കണ്ണില്‍ ചോരയില്ലാത്ത കാമുകി: ഇല്ല
കാമുകന്‍: നിനക്കല്ലേലും നിന്റെ വീട്ടുകാരാ വലുതെന്ന് എനിക്കറിയാം.ഒടുവില്‍ ഞാന്‍ മണ്ടനാകും (അന്ന് ‘ശശി’ പ്രയോഗം നിലവില്‍ വന്നിരുന്നില്ല)
കാമുകി: ഓഹ്, അതല്ലെന്ന്. എനിക്ക് മേക്കപ്പ് ഒക്കെ ഇട്ട് കല്യാണ സാരിയൊക്കെ ഉടുത്തൊരു ഫോട്ടോ എടുക്കണം. രജിസ്റ്റര്‍ മാരേജിന്റെ ഫോട്ടോ ഫ്രെയിം ചെയ്താല്‍ ഒരു രസോണ്ടാവൂല്ല കാമുകന്‍ :

കൊല്ലം കുറെ കാത്തിരുന്നെങ്കിലും വീട്ടുകാര് കല്യാണം അടിപൊളിയാക്കി തന്നു. ആഗ്രഹം പോലെ കല്യാണ ഫോട്ടോയുമെടുത്തു, ഫ്രെയിമും ചെയ്തിട്ട് ഇന്ന് കൊല്ലം ഏഴായി. പക്ഷേ അത് തൂക്കാന്‍ ഭിത്തിയേല്‍ എങ്ങാന്‍ ആണിയടിച്ചാല്‍ വിവരമറിയും ന്ന് അച്ഛന്‍ പറഞ്ഞിട്ടുണ്ട്. അല്ലേലും അച്ഛന്‍ സമ്മതിക്കാതെ ഞാന്‍ ഒന്നും ചെയൂല്ലല്ലോ