LOADING

Type to search

Uncategorized

കഴക്കൂട്ടം മുക്കോല ബൈപ്പാസിലെ നിലവിലെ ഏറ്റവും വലിയ പാലമായ ചാക്ക മേൽപ്പാലം ഡിസംബർ ആദ്യവാരം ഗതാഗതത്തിനായി തുറന്നു കൊടുക്കും.

webdesk 5 days ago
Share

തിരുവനന്തപുരം:കഴക്കൂട്ടം മുക്കോല ബൈപ്പാസിലെ നിലവിലെ ഏറ്റവും വലിയ പാലമായ ചാക്ക മേൽപ്പാലം ഡിസംബർ ആദ്യവാരം ഗതാഗതത്തിനായി തുറന്നു കൊടുക്കും. പാലത്തിന്റെ അവസാനഘട്ട പണികളാണ് ഇനി ബാക്കിയുള്ളത്. ഇത് ഈ മാസം അവസാനത്തോടെ പൂർത്തിയാകുമെന്നാണ് ദേശീയപാത അതോറിറ്റി അധികൃതർ പറയുന്നത്.1050 മീറ്ററാണ് പാലത്തിന്റെ നീളം. 25 മീറ്റർ നീളമുള്ള 42 സ്പാനുകളിലാണ് പാലം നിർമിച്ചിരിക്കുന്നത്. ചാക്ക റെയിൽവേ ട്രാക്കിനു സമീപത്തുനിന്ന് ആരംഭിക്കുന്ന പാലം ഈഞ്ചയ്ക്കൽ ജങ്ഷന് സമീപം അവസാനിക്കും. റെയിൽവേ മേൽപ്പലത്തിന് മുകളിൽ രണ്ട് വരിയാണ് പുതിയ മേൽപ്പാലം. തുടർന്ന് ചാക്ക ജങ്ഷന് മുകളിൽ എത്തുന്നതോടെ ഇത് നാലുവരിയാകും. നിലവിലെ മേൽപ്പാലത്തിലൂടെയുള്ള രണ്ട് വരിയും ഇവിടെ വച്ച് പുതിയ മേൽപ്പാലത്തിലേക്ക് കയറും. പഴയ മേൽപ്പാലത്തിൽ നിന്ന് ചാക്ക ജങ്ഷനിലേക്ക് പോകാനുള്ള റോഡും നിർമിച്ചിട്ടുണ്ട്. ഇരുഭാഗത്തും സർവീസ്‌ റോഡുകളുമുണ്ട്. സർവീസ് റോഡുകളുടെ പണി പുരോഗമിക്കുകയാണ്. തൂണുകളുടെ പണികൾ പൂർത്തിയായി. പ്രധാന പാലത്തിന്റെ ടാറിങ് പകുതി പൂർത്തിയായി. അവസാന അടുക്ക് ടാറിങ്ങും മറ്റ് അവസാനഘട്ട മിനുക്കുപണികളുമാണ് ഇനി ബാക്കിയുള്ളത്.