LOADING

Type to search

Uncategorized

വട്ടിയൂർക്കാവിലെ തോൽവി: കെ മുരളീധരൻ സോണിയ ഗാന്ധിയെ കണ്ടു

webdesk 5 days ago
Share

തിരുവനന്തപുരം:വട്ടിയൂർക്കാവിലെ ഉപതെരഞ്ഞെടുപ്പ് തോൽവിയിൽ പ്രതിഷേധമറിയിച്ച്  കെ മുരളീധരൻ  കോൺഗ്രസ് അധ്യക്ഷ സോണിയ ഗാന്ധിയെ കണ്ടു. സംഘടനാപരമായ പാളിച്ച വട്ടിയൂർക്കാവിലുണ്ടായതായി സോണിയയെ മുരളീധരൻ അറിയിച്ചു. എൻഎസ്‍സിന്‍റെ പരസ്യപിന്തുണ ന്യൂനപക്ഷങ്ങളെ അകറ്റുന്നതിന് കാരണമായെന്നും ഇത് തോൽവിക്ക് കാരണമായെന്നും മുരളി സോണിയ ഗാന്ധിയെ ധരിപ്പിച്ചു.

 

മുരളീധരൻ വട്ടിയൂർക്കാവിൽ സ്ഥാനാർത്ഥിയായി നിർദ്ദേശിച്ച പീതാംബരകുറുപ്പിന് പകരം മോഹൻ കുമാറിനെയാണ് ഇവിടെ യു‍ഡിഎഫ് സ്ഥാനാർത്ഥിയാക്കിയത്. ഒടുവിൽ 14465 വോട്ടിൻ്റെ ഭൂരിപക്ഷത്തിൽ എൽഡിഎഫ് സ്ഥാനാർഥി വി കെ പ്രശാന്ത് വിജയിയിച്ചു. അപ്പോൾ തന്നെ മുരളീധരൻ സംഘടനാ സംവിധാനത്തിൽ പാളിച്ചയുണ്ടായെന്ന ആരോപണവുമായി രംഗത്തെത്തിയിരുന്നു.കെപിസിസി പുനസംഘടനയില്‍ എല്ലാവര്‍ക്കും പ്രാതിനിധ്യം ഉറപ്പ് വരുത്തണമെന്നും, യൂത്ത് കോണ്‍ഗ്രസ് പുനസംഘടനയില്‍ തെരഞ്ഞെടുപ്പ് ഒഴിവാക്കണമെന്നും മുരളീധരന്‍ കൂടിക്കാഴ്ചയില്‍ ആവശ്യപ്പെട്ടതായും സൂചനയുണ്ട്