ശ്രീകാര്യം: കെ.എസ്.ആർ.ടി.സി. ബസ് ബൈക്കിൽ ഇടിച്ചതിൽ പ്രകോപിതനായ യുവാവ് ബസിന്റെ മുൻവശത്തെ ചില്ല് എറിഞ്ഞുതകർക്കുകയും ഡ്രൈവറെ മർദിക്കുകയും ചെയ്തു.
ആലുവ ഡിപ്പോയിലെ ഡ്രൈവർ സഹറുദീൻ(48)നാണ് മർദനമേറ്റത്. ബൈക്ക് യാത്രക്കാരൻ, ഗാന്ധിപുരം കാവുവിള റീന ഭവനിൽ അനീഷി(28)നെ ശ്രീകാര്യം പോലീസ് അറസ്റ്റുചെയ്തു.
ആലുവയിൽനിന്ന് തിരുവനന്തപുരത്തേക്കു വരികയായിരുന്ന ബസ് ഞായറാഴ്ച വൈകീട്ട് നാലരയോടെ ശ്രീകാര്യം ചാവടിമുക്കിനു സമീപത്തുവച്ചാണ് അനീഷിന്റെ ബൈക്കിലിടിച്ചത്.
തുടർന്ന് ഇയാൾ ബസ് തടഞ്ഞുനിർത്തി ചില്ല് എറിഞ്ഞുതകർക്കുകയും ഡ്രൈവറെ മർദിക്കുകയും ചെയ്തെന്നാണ് കേസ്. പോലീസ് സ്ഥലത്തെത്തി അനീഷിനെ പിടികൂടുകയായിരുന്നു. പരിക്കേറ്റ ഡ്രൈവർ സഹറുദീനെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.