തിരുവനന്തപുരം: സ്വര്ണം ചേര്ത്ത ലായനിയില് മുക്കിയെടുത്ത ലുങ്കികളുമായെത്തിയ വിമാനയാത്രക്കാരനെ കസ്റ്റംസ് പിടികൂടി.
മണക്കാട് കമലേശ്വരം സ്വദേശി മുഹമ്മദ് അഫ്സറിനെ(28)യാണ് തിരുവനന്തപുരം വിമാനത്താവളത്തിലെ കസ്റ്റംസിന്റെ എയര് ഇന്റലിജന്സ് വിഭാഗം പിടികൂടിയത്. ശനിയാഴ്ച പുലര്ച്ചെ 2.45-ന് ദുബായില്നിന്ന് തിരുവനന്തപുരത്തെത്തിയ എമിറേറ്റ്സ് വിമാനത്തിലാണ് മുഹമ്മദ് അഫ്സറെത്തിയത്.
സ്വര്ണം മുക്കിയ 10 ലുങ്കികളാണ് ഇയാളുടെ ബാഗിലുണ്ടായിരുന്നത്. ഏകദേശം 60 ലക്ഷം രൂപയുടെ സ്വര്ണമുണ്ടാകുമെന്നാണ് പ്രാഥമിക നിഗമനം. ലുങ്കികളിലെ സ്വര്ണം വേര്തിരിച്ചെടുത്താല് മാത്രമേ കൃത്യമായി എത്ര സ്വര്ണമുണ്ടെന്നു കണ്ടെത്താനാകൂ.