പാറശ്ശാല : നെയ്യാറിൽ നീന്തുന്നതിനിടെ യുവാവ് മുങ്ങിമരിച്ചു.
കാഞ്ഞിരംകുളം ലൂർദുപുരം പ്രഫിൻ ഭവനിൽ ജയകുമാറിന്റെയും ജ്യോതിയുടെയും മകൻ പ്രഭുൽ (24) ആണ് മരിച്ചത്.
തിങ്കളാഴ്ച വൈകീട്ട് പ്രഭുലും മൂന്ന് സുഹൃത്തുക്കളും ചാലക്കര വട്ടംകടവിൽ മീൻപിടിക്കുന്നതിനായി എത്തിയിരുന്നു.
മീൻപിടിച്ചശേഷം നെയ്യാറിൽ നീന്തവേ കയത്തിൽ പ്രഭുൽ മുങ്ങിത്താഴുകയായിരുന്നു. നാട്ടുകാർ അറിയിച്ചതിനെത്തുടർന്ന് സ്ഥലത്തെത്തിയ പൂവാർ അഗ്നിരക്ഷാസേനാംഗങ്ങളും നാട്ടുകാരും ചേർന്ന് പ്രഭുലിനെ മരിച്ചനിലയിൽ കയത്തിൽനിന്നു പുറത്തെടുത്തു.
