തിരുവനന്തപുരം : ശ്രീപദ്മനാഭസ്വാമി ക്ഷേത്രത്തിൽ ജനുവരി 8 മുതൽ 14 വരെ തന്ത്രി തരണനല്ലൂർ എൻ.പി.ഗോവിന്ദൻ നമ്പൂതിരിപ്പാടിന്റെ കാർമികത്വത്തിൽ മാർകഴി കളഭം നടക്കും.
14-ന് മകര ശ്രീബലിയും വലിയ കാണിക്കയും ഉണ്ടായിരിക്കും. ഭക്തർക്ക് കളഭാഭിഷേകം വഴിപാടായി നടത്താം.
കളഭത്തോടനുബന്ധിച്ച് 8 മുതൽ 14 വരെ ദർശനസമയത്തിൽ മാറ്റമുണ്ടാകും.വെളുപ്പിന് 3.30-ന് നിർമാല്യദർശനം. 6.30 മുതൽ 7 വരെയും 8 മുതൽ 9.15 വരെയും കളഭാഭിഷേക ദർശനവും ഉച്ചപൂജ കഴിഞ്ഞ് 10 മുതൽ 12 വരെ ദർശനവും ഉണ്ടായിരിക്കും.വൈകീട്ടുള്ള ദർശനസമയത്തിൽ മാറ്റമില്ല.
