തിരുവനന്തപുരം: സ്കൂൾ പ്രവേശനോത്സവത്തിന് മുന്നോടിയായി തിരുവനന്തപുരം ഇന്റർനാഷനൽ എയർപോർട്ടിന്റെ സാമൂഹിക സേവന പ്രവർത്തനങ്ങളുടെ ഭാഗമായി വലിയതുറ ഗവ. യു പി സ്കൂൾ നവീകരണത്തിന് തുടക്കമിട്ടു.
നേരത്തെ ദുരിതാശ്വാസ ക്യാംപ് ആയി പ്രവർത്തിച്ചിരുന്ന കെട്ടിടം ശുചീകരിച്ച് പെയിൻറ് അടിച്ചു. സ്കൂൾ വളപ്പ് വൃത്തിയാക്കി പച്ചക്കറിത്തോട്ടത്തിന് വിത്തിട്ടു.
ഫലവൃക്ഷങ്ങളും തണൽ മരങ്ങളും നട്ടു പരിപാലിക്കുന്ന പദ്ധതിക്കും തുടക്കമിട്ടു. വിമാനത്താവളത്തിലെ ജീവനക്കാരുടെ നേതൃത്വത്തിലാണ് പദ്ധതി നടപ്പാക്കുന്നത്.
