Tag: ആറ്റുകാൽ പൊങ്കാല

തിരുവനന്തപുരം: ആറ്റുകാൽ പൊങ്കാല അർപ്പിക്കാനെത്തി പൊള്ളലേറ്റു ചികിത്സയിലായിരുന്ന കോഴിക്കോട് സ്വദേശിനി മരിച്ചു. വെസ്റ്റ്ഹിൽ സ്വദേശിനി ദിനേശിന്റെ ഭാര്യ വിജിഷയാണ് മരിച്ചത്.

ഇവർ തിരുവനന്തപുരം മെഡിക്കൽ കോളേജ് ഐ.സി.യുവിൽ ചികിത്സയിലായിരുന്നു. അവിടെ നിന്നും കോഴിക്കോട് സ്വകാര്യ ആശുപത്രിയിലേക്ക് മാറ്റുകയായിരുന്നു. മാർച്ച് 9 ന് രാവിലെ മരണം സ്ഥിരീകരിച്ചു.

 

തിരുവനന്തപുരം :  ഭക്തലക്ഷങ്ങൾ ഇന്ന് ആറ്റുകാൽ അമ്മയ്ക്കു പൊങ്കാലയർപ്പിക്കുന്നു.

കുംഭമാസത്തിലെ പൂരം നാളും പൗർണമിയും ഒത്തുചേരുന്ന ദിവസമായ ഇന്ന് രാവിലെ 9.15 ന് ആറ്റുകാൽ ഭഗവതിക്ഷേത്രത്തിൽ ശുദ്ധപുണ്യാഹത്തോടെയാണു ചടങ്ങുകൾ ആരംഭിച്ചത്. 9.45ന് പൊങ്കാല അടുപ്പുവെട്ട് ചടങ്ങ് നടന്നു.

2.15 ന് ഉച്ചപൂജയ്ക്കു ശേഷമാണു പൊങ്കാല നിവേദ്യം. 350 പൂജാരിമാരെ ഇതിനായി നിയോഗിച്ചിട്ടുണ്ട്. ചന്ദ്രഗ്രഹണമായതിനാൽ ഉച്ചകഴിഞ്ഞ് 3.10 മുതൽ രാത്രി 7 വരെ ക്ഷേത്ര ദർശനം ഉണ്ടാകില്ല. രാത്രി 8.30 ന് കുത്തിയോട്ട ബാലന്മാരെ ചൂരൽകുത്തും.

10.45 ന് മണക്കാട് ധർമശാസ്താ ക്ഷേത്രത്തിലേക്കു ദേവിയുടെ എഴുന്നള്ളത്തു പുറപ്പെടും. നാളെ രാത്രി 9.45 ന് കാപ്പഴിച്ചു ദേവിയെ കുടിയിളക്കും. രാത്രി 12.45 ന് നടത്തുന്ന കുരുതി തർപ്പണത്തോടെയാണ് ഈവർഷത്തെ പൊങ്കാല ഉത്സവത്തിനു സമാപനമാകുക.

തിരുവനന്തപുരം:ആറ്റുകാൽ പൊങ്കാലയോടനുബന്ധിച്ച് ഡ്യൂട്ടിക്കെത്തുന്ന പോലീസ് ഉദ്യോഗസ്ഥർക്ക് താമസസൗകര്യം ഒരുക്കുന്നതിനായി തിരുവനന്തപുരം നഗരപരിധിയിലെ 28 വിദ്യാലയങ്ങൾക്ക് നാളെ അവധി പ്രഖ്യാപിച്ചു.

തുഞ്ചൻ സ്മാരക സമിതി ടി.ടി.ഐ, ഗവ ഗേൾസ് ഹയർ സെക്കൻഡറി സ്കൂൾ കരമന, ഗവ. ബോയ്സ് ഹൈസ്കൂൾ ചാല, ഗവ. ഗേൾസ് ഹൈസ്കൂൾ ചാല, ഗവ എൽ പി സ്കൂൾ ചാല, ഗവ. തമിഴ് ഹയർസെക്കൻഡറി സ്കൂൾ ചാല, ഗവ യുപി സ്കൂൾ ചാല, ഗവ സംസ്കൃതം ഹൈസ്കൂൾ ഫോർട്ട്‌, ഗവ സംസ്കൃതം എൽ പി സ്കൂൾ ഫോർട്ട്, ഗവ സെൻട്രൽ ഹൈസ്കൂൾ, ഗവ എൽ പി സ്കൂൾ കുര്യാത്തി, ജവഹർ ഇ എം എച്ച് എസ് മണക്കാട്, ശ്രീ മരുതിറാം ഇഎംഎച്ച്എസ് കരമന, ഗവ യുപി സ്കൂൾ വലിയശാല, ശ്രീവിദ്യാധിരാജ വിദ്യാമന്ദിർ കളിപ്പാം കുളം, ഗവ യുപി സ്കൂൾ അമ്പലത്തറ, ഗവ യുപി സ്കൂൾ തമ്പാനൂർ, ഗവ ബോയ്സ് സ്കൂൾ കരമന, ഗവ ഗേൾസ് ഹൈസ്കൂൾ കരമന, എസ് എം വി ഗവ ഗേൾസ് ഹൈസ്കൂൾ തമ്പാനൂർ, ആറ്റുകാൽ ചിന്മയ വിദ്യാലയ, ഗവ ഹയർസെക്കൻഡറി സ്കൂൾ കമലേശ്വരം, ഗവ യുപി സ്കൂൾ കൊഞ്ചിറവിള, ഗവ ഹൈസ്കൂൾ കാലടി, ഗവ യുപി സ്കൂൾ നെടുങ്കാട്, ഗവ യുപി സ്കൂൾ ഫോർട്ട്‌, ഗവ ഹയർസെക്കൻഡറി സ്കൂൾ മണക്കാട്, മിഷൻ സ്കൂൾ ഫോർട്ട്‌ എന്നിവയ്ക്കാണ് അവധി പ്രഖ്യാപിച്ചത്. വിദ്യാഭ്യാസ ഉപഡയറക്ടറാണ് ഉത്തരവിറക്കിയത്.

തിരുവനന്തപുരം:തിരുവനന്തപുരം സെൻട്രൽ റെയിൽവേ സ്റ്റേഷനിൽ പൊങ്കാല പ്രത്യേക ക്രമീകരണങ്ങൾ കാരണം 2026 മാർച്ച് 1 (നാളെ) മുതൽ മാർച്ച് 3 വരെ വാഹന പാർക്കിങ് കർശനമായി നിയന്ത്രിക്കപ്പെടും.

നിലവിലെ പുനർനിർമാണ പ്രവർത്തനങ്ങൾ കാരണം രണ്ടാം എൻട്രൻസ് (പവർ ഹൗസ് റോഡ് വശം) പൂർണമായി അടച്ചിരിക്കുന്നു.

എല്ലാ യാത്രക്കാരും, പ്രത്യേകിച്ച് തീർത്ഥാടകരും, താഴെപ്പറയുന്ന എൻട്രൻസുകൾ ഉപയോഗിക്കണമെന്ന് അഭ്യർത്ഥിക്കുന്നു:

* തമ്പാനൂർ വശത്തുള്ള പ്രധാന എൻട്രൻസ്,

* പാർസൽ ഓഫീസ് വശവും പ്രീമിയം പാർക്കിങ് എൻട്രൻസും, അല്ലെങ്കിൽ

* തൈക്കാട് വനിതാ & ശിശു ആശുപത്രിക്ക് സമീപമുള്ള ഓവർബ്രിഡ്ജിനടുത്തുള്ള അണ്ടർപാസ്.

2026 മാർച്ച് 3-ന് തിരുവനന്തപുരം സെൻട്രൽ സ്റ്റേഷനിൽ നിന്ന് പുറപ്പെടുന്ന ട്രെയിനുകൾ തീർത്ഥാടകരുടെ സൗകര്യാർത്ഥം താഴെപ്പറയുന്ന പ്ലാറ്റ്ഫോമുകളിൽ നിന്നായിരിക്കും പുറപ്പെടുക:

* കൊല്ലം ജംഗ്ഷൻ ഭാഗത്തേക്കുള്ള ട്രെയിനുകൾ — പ്ലാറ്റ്ഫോമുകൾ 1, 2, 3, 4,

* നാഗർകോവിൽ ഭാഗത്തേക്കുള്ള ട്രെയിനുകൾ — പ്ലാറ്റ്ഫോം 5.

തിരക്ക് ഒഴിവാക്കുന്നതിനായി പ്ലാറ്റ്ഫോമുകളിലേക്കുള്ള പ്രവേശനം മൂന്ന് മറച്ച താൽക്കാലിക ഹോൾഡിങ് ഏരിയകളിലൂടെ നിയന്ത്രിക്കും. ഈ ഏരിയകളിൽ നിന്ന് യാത്രക്കാർക്ക് അൺറിസർവ്ഡ് ടിക്കറ്റുകൾ വാങ്ങാം; ട്രെയിൻ ട്രെയിൻ ഷെഡ്യൂളിനനുസൃതമായി പ്ലാറ്റ്ഫോമിലേക്ക് പ്രവേശനം അനുവദിക്കും. ഹോൾഡിങ് ഏരിയകൾക്ക് സമീപം അധിക ടിക്കറ്റ് കൗണ്ടറുകൾ സജ്ജീകരിക്കും.

റിസർവ്ഡ് ടിക്കറ്റുള്ള യാത്രക്കാർക്ക് പ്രധാന എൻട്രൻസ് പോർട്ടിക്കോ വഴി നേരിട്ട് പ്രവേശിക്കാം.

കൂടാതെ, റിസർവ്ഡ് യാത്രക്കാരുടെ സൗകര്യാർത്ഥം തിരുവനന്തപുരം പേട്ട സ്റ്റേഷനിൽ താഴെപ്പറയുന്ന ട്രെയിനുകൾക്ക് ഒരു മിനിറ്റ് താൽക്കാലിക സ്റ്റോപ്പേജ് ഏർപ്പെടുത്തിയിട്ടുണ്ട്.

തിരുവനന്തപുരം പേട്ടയിൽ അധിക സ്റ്റോപ്പേജ്

1. ട്രെയിൻ നമ്പർ 12643 തിരുവനന്തപുരം സെൻട്രൽ – ഹസ്രത് നിസാമുദ്ദീൻ രാജ്ധാനി എക്സ്പ്രസ് (തിരുവനന്തപുരം സെൻട്രലിൽ നിന്ന് 14:15 മണിക്ക് പുറപ്പെടുന്നത്) — തിരുവനന്തപുരം പേട്ട (14.35/14.36 മണി).

2. ട്രെയിൻ നമ്പർ 06125 തിരുവനന്തപുരം സെൻട്രൽ – എറണാകുളം ജംഗ്ഷൻ അൺറിസർവ്ഡ് സ്പെഷ്യൽ (ആലപ്പുഴ വഴി) (14:40 മണി) — (14.50/14.51 മണി).

3. ട്രെയിൻ നമ്പർ 12624 തിരുവനന്തപുരം സെൻട്രൽ – എംജിആർ ചെന്നൈ സെൻട്രൽ സൂപ്പർഫാസ്റ്റ് (15:00 മണി) — (15.05/15.06 മണി).

4. ട്രെയിൻ നമ്പർ 06124 തിരുവനന്തപുരം സെൻട്രൽ – എറണാകുളം ജംഗ്ഷൻ അൺറിസർവ്ഡ് സ്പെഷ്യൽ (കോട്ടയം വഴി) (15:10 മണി) — (15.15/15.16 മണി).

5. ട്രെയിൻ നമ്പർ 16366 നാഗർകോവിൽ ജംഗ്ഷൻ – കോട്ടയം എക്സ്പ്രസ് (നാഗർകോവിൽ ജംഗ്ഷനിൽ നിന്ന് 13:00 മണി) — (15.25/15.26 മണി).

6. ട്രെയിൻ നമ്പർ 20632 തിരുവനന്തപുരം സെൻട്രൽ – മംഗലാപുരം സെൻട്രൽ വന്ദേഭാരത് എക്സ്പ്രസ് (16:05 മണി) — (16.09/16.10 മണി).

7. ട്രെയിൻ നമ്പർ 16336 നാഗർകോവിൽ ജംഗ്ഷൻ – ഗാന്ധിധാം എക്സ്പ്രസ് (14:45 മണി) — (16.17/16.18 മണി).

8. ട്രെയിൻ നമ്പർ 12507 തിരുവനന്തപുരം സെൻട്രൽ – സില്ചാർ അരോണായ് സൂപ്പർഫാസ്റ്റ് എക്സ്പ്രസ് (16:55 മണി) — (17.00/17.01 മണി).

9. ട്രെയിൻ നമ്പർ 12696 തിരുവനന്തപുരം സെൻട്രൽ – ഡോ. എംജിആർ ചെന്നൈ സെൻട്രൽ സൂപ്പർഫാസ്റ്റ് എക്സ്പ്രസ് (17:15 മണി) — (17.20/17.21 മണി).

10. ട്രെയിൻ നമ്പർ 16342 തിരുവനന്തപുരം സെൻട്രൽ – ഗുരുവായൂർ എക്സ്പ്രസ് (17:30 മണി) — (17.35/17.36 മണി).

11. ട്രെയിൻ നമ്പർ 56706 കന്യാകുമാരി – പുനലൂർ പാസഞ്ചർ (കന്യാകുമാരിയിൽ നിന്ന് 15:00 മണി) — (17.40/17.41 മണി).

12. ട്രെയിൻ നമ്പർ 16304 തിരുവനന്തപുരം സെൻട്രൽ – എറണാകുളം ജംഗ്ഷൻ വഞ്ചിനാട് എക്സ്പ്രസ് (17:45 മണി) — (17.50/17.51 മണി).

അപ്പെൻഡിക്സ് 1 – സുരക്ഷാ ക്രമീകരണങ്ങൾ

കഴിഞ്ഞ വർഷം തിരക്ക് നിയന്ത്രിക്കാനും സുഗമമായ യാത്രക്കാരുടെ പ്രവേശനത്തിനും താൽക്കാലിക ഹോൾഡിങ് ഏരിയ സൃഷ്ടിച്ചിരുന്നു. ഇത്തവണ സ്റ്റേഷനിലെ പുതിയ കെട്ടിട നിർമാണവും മറ്റ് വികസന പ്രവർത്തനങ്ങളും കണക്കിലെടുത്ത് മൂന്ന് താൽക്കാലിക ഹോൾഡിങ് ഏരിയകൾ സജ്ജീകരിക്കും.

പവർ ഹൗസ് റോഡ് വശത്തുള്ള രണ്ടാം എൻട്രൻസ് പൂർണമായി അടച്ചിരിക്കുന്നതിനാൽ. പൊങ്കാലയ്ക്ക് ശേഷം കിഴക്കേകോട്ട, പവർ ഹൗസ് റോഡ് ഭാഗങ്ങളിൽ നിന്ന് വരുന്ന തീർത്ഥാടകർ തമ്പാനൂർ വശത്തൂടെ (റെസിഡൻസി റോഡ് അല്ലെങ്കിൽ എം.ജി. റോഡ് ഓവർബ്രിഡ്ജ് വഴി) സ്റ്റേഷനിലെത്തണം. തൈക്കാട് വശത്ത് നിന്നോ റെസിഡൻസി റോഡ് ഓവർബ്രിഡ്ജ് വഴിയോ വരുന്നവർ ന്യൂ തിയേറ്റർ റോഡ് വഴി ഓവർബ്രിഡ്ജിനടിയിലൂടെ പ്രവേശിക്കാം. എം.ജി. റോഡ് ഓവർബ്രിഡ്ജ്, ആർഎംഎസ് വശത്ത് നിന്ന് വരുന്നവർക്ക് ചൈത്രം ഹോട്ടലിന് എതിരെയുള്ള റെയിൽവേ പാർസൽ ഓഫീസ് ഗേറ്റ് വഴിയോ തമ്പാനൂർ പ്രധാന എൻട്രൻസ് വഴിയോ പ്രവേശിക്കാം.

എം.ജി. റോഡ് വശത്ത് നിന്നുള്ള ഭക്തർക്ക് ട്രെയിൻ ഷെഡ്യൂളിനനുസൃതമായി പാർസൽ ഓഫീസ് ഗേറ്റ് വഴി പ്രവേശനം നൽകും. തിരക്ക് ഒഴിവാക്കാൻ പ്രീമിയം കാർ പാർക്കിങ് (കെഎസ്ആർടിസിക്ക് എതിർവശം), സ്റ്റേഷന് മുന്നിൽ ഗണപതി ക്ഷേത്രം-ബുക്കിങ് ഓഫീസിന് സമീപം ഹോൾഡിങ് ഏരിയകൾ സജ്ജീകരിക്കും. ട്രെയിനുകളുടെ ലഭ്യതയനുസരിച്ച് പ്രവേശനം അനുവദിക്കും. റെസിഡൻസി റോഡ് ഓവർബ്രിഡ്ജ് വശത്ത് നിന്നുള്ളവരെ നാഗർകോവിൽ എൻഡിലുള്ള ഹോൾഡിങ് ഏരിയയിലേക്ക് പ്രവേശിപ്പിക്കും; പ്ലാറ്റ്ഫോം 1 വഴി ഫൂട്ട് ഓവർബ്രിഡ്ജ് ഉപയോഗിച്ച് മറ്റ് പ്ലാറ്റ്ഫോമുകളിലേക്ക് പ്രവേശിക്കാം.

പൊങ്കാലയ്ക്ക് ശേഷം പീക്ക് സമയത്ത് (14:00 മുതൽ 16:00 മണി വരെ) ട്രെയിൻ നമ്പറുകൾ 12081 ജൻശതാബ്ദി, 20631 വന്ദേഭാരത്, 22627 ഇന്റർസിറ്റി എക്സ്പ്രസ് എന്നിവയിൽ എത്തുന്ന യാത്രക്കാരുടെ സുഗമമായ പുറത്തിറക്കൽ മിഡിൽ ഫൂട്ട് ഓവർബ്രിഡ്ജ് വഴിയും ഹിഗിൻബോതംസ് എക്സിറ്റ് വഴിയും ക്രമീകരിക്കും.

അപ്പെൻഡിക്സ് 2 – മെഡിക്കൽ ക്രമീകരണങ്ങൾ

തിരുവനന്തപുരം ഡിവിഷൻ മെഡിക്കൽ ബ്രാഞ്ച് 2026 മാർച്ച് 3-ന് ആറ്റുകാൽ പൊങ്കാലയ്ക്കിടെ എല്ലാ ഭക്തരുടെയും യാത്രക്കാരുടെയും സുരക്ഷയും ക്ഷേമവും ഉറപ്പാക്കാൻ സമഗ്രമായ ക്രമീകരണങ്ങൾ ഏർപ്പെടുത്തിയിട്ടുണ്ട്.

സ്റ്റേഷനിലെ പ്രധാന സ്ഥലങ്ങളിൽ നാല് പൂർണമായി സജ്ജീകരിച്ച മെഡിക്കൽ എയ്ഡ് പോസ്റ്റുകൾ പ്രവർത്തിക്കും. സീനിയർ ഡോക്ടർമാർ, നഴ്സിങ് സ്റ്റാഫ്, സെന്റ് ജോൺ ആംബുലൻസ് ബ്രിഗേഡ് (SJAB) അംഗങ്ങൾ എന്നിവർ ഡ്യൂട്ടിയിലുണ്ടാകും. സ്റ്റേഷന് ചുറ്റും തന്ത്രപരമായ സ്ഥലങ്ങളിൽ മൂന്ന് ആംബുലൻസുകൾ സജ്ജമായിരിക്കും. എമർജൻസി മരുന്നുകൾ, ഓക്സിജൻ കോൺസെൻട്രേറ്ററുകൾ, വീൽചെയറുകൾ, സ്ട്രെച്ചറുകൾ തുടങ്ങിയ അത്യാവശ്യ ഉപകരണങ്ങൾ എല്ലാ പോസ്റ്റുകളിലും ലഭ്യമാണ്.

എല്ലാ യാത്രക്കാർക്കും ഭക്തർക്കും വേണ്ടിയുള്ള സുരക്ഷാ നിർദേശങ്ങൾ

റെയിൽവേ പരിസരത്ത് എവിടെയും പൊങ്കാല അടുപ്പ് കത്തിക്കുന്നത് സുരക്ഷാ കാരണങ്ങളാൽ കർശനമായി നിരോധിച്ചിരിക്കുന്നു.

പ്ലാറ്റ്ഫോമുകളിലും ഫൂട്ട് ഓവർബ്രിഡ്ജുകളിലും ഇരിക്കുകയോ കൂട്ടംകൂടുകയോ ചെയ്യാൻ അനുവാദമില്ല.

റെയിൽവേ ട്രാക്കുകൾ മുറിച്ചുകടക്കുന്നത് കർശനമായി നിരോധിച്ചിരിക്കുന്നു. പ്ലാറ്റ്ഫോമുകൾക്കിടയിൽ സഞ്ചരിക്കാൻ ഫൂട്ട് ഓവർബ്രിഡ്ജുകൾ ഉപയോഗിക്കണം.

റെയിൽവേ പ്രൊട്ടക്ഷൻ ഫോഴ്സ് (RPF), പോലീസ്, റെയിൽവേ ഉദ്യോഗസ്ഥർ എന്നിവരുടെ നിർദേശങ്ങൾ എപ്പോഴും പാലിക്കണമെന്ന് അഭ്യർത്ഥിക്കുന്നു. അപ്പെൻഡിക്സ് 3 ആറ്റുകാൽ പൊങ്കാല സ്പെഷ്യൽ ട്രെയിനുകൾ

അൺറിസർവ്ഡ് സ്പെഷ്യൽ ട്രെയിനുകൾ

ട്രെയിൻ നമ്പർ 06121 തിരുവനന്തപുരം സെൻട്രൽ – നാഗർകോവിൽ ജംഗ്ഷൻ അൺറിസർവ്ഡ് സ്പെഷ്യൽ. ട്രെയിൻ 2026 മാർച്ച് 2-ന് 20.55 മണിക്ക് തിരുവനന്തപുരം സെൻട്രലിൽ നിന്ന് പുറപ്പെട്ട് അതേ ദിവസം 23.20 മണിക്ക് നാഗർകോവിലെത്തും. സ്റ്റോപ്പേജുകൾ: നെയ്യാറ്റിൻകര (21.17/21.18), പാറശ്ശാല (21.30/21.31), കുളിത്തുറ (21.41/21.42), എറണിയൽ (21.57/21.58).

 

 

 

ട്രെയിൻ നമ്പർ 06122 നാഗർകോവിൽ ജംഗ്ഷൻ – തിരുവനന്തപുരം സെൻട്രൽ അൺറിസർവ്ഡ് സ്പെഷ്യൽ ട്രെയിൻ 2026 മാർച്ച് 3-ന് 01.40 മണിക്ക് നാഗർകോവിലിൽ നിന്ന് പുറപ്പെട്ട് 03.30 മണിക്ക് തിരുവനന്തപുരം സെൻട്രലിലെത്തും. സ്റ്റോപ്പേജുകൾ: നാഗർകോവിൽ ടൗൺ (01.52/01.53), വിരനായിലൂർ (02.00/02.01), എറണിയൽ (02.08/02.09), പള്ളിയടി (02.16/02.17), കുളിത്തുറ (02.24/02.25), കുളിത്തുറ വെസ്റ്റ് (02.28/02.29), പാറശ്ശാല (02.34/02.35), ധനുവച്ചപുരം (02.41/02.42), നെയ്യാറ്റിൻകര (02.49/02.50), ബലരാമപുരം (02.55/02.56).

 

 

 

ട്രെയിൻ നമ്പർ 06123 എറണാകുളം ജംഗ്ഷൻ – തിരുവനന്തപുരം സെൻട്രൽ അൺറിസർവ്ഡ് സ്പെഷ്യൽ (കോട്ടയം വഴി) ട്രെയിൻ 2026 മാർച്ച് 3-ന് 01.20 മണിക്ക് എറണാകുളം ജംഗ്ഷനിൽ നിന്ന് പുറപ്പെട്ട് 06.30 മണിക്ക് തിരുവനന്തപുരം സെൻട്രലിലെത്തും. സ്റ്റോപ്പേജുകൾ: തൃപ്പൂണിത്തുറ (01.38/01.39), മുളന്തുറുത്തി (01.49/01.50), പിറവം റോഡ് (02.01/02.02), വൈക്കം റോഡ് (02.09/02.10), എട്ടുമാനൂർ (02.24/02.25), കുമരനല്ലൂർ (02.31/02.32), കോട്ടയം (02.37/02.39), ചങ്ങനാശ്ശേരി (02.54/02.55), തിരുവല്ല (03.03/03.04), ചെങ്ങന്നൂർ (03.12/03.13), ചെറിയനാട് (03.17/03.18), മാവേലിക്കര (03.23/03.24), കായംകുളം (03.32/03.34), ഒച്ചിറ (03.42/03.43), കരുനാഗപ്പള്ളി (03.51/03.52), സസ്താംകോട്ട (04.01/04.02), മുനറോത്തുറുത്ത് (04.07/04.08), പെരിനാട് (04.14/04.15), കൊല്ലം (04.26/04.30), മയ്യനാട് (04.38/04.39), പരവൂർ (04.43/04.44), വർക്കല സിവഗിരി (04.54/04.55), കടക്കാവൂർ (05.05/05.06), ചിറയിൻകീഴ് (05.10/05.11), മുറുക്കമ്പുഴ (05.20/05.21), കണിയാപുരം (05.25/05.26), കഴക്കൂട്ടം (05.31/05.32), തിരുവനന്തപുരം പേട്ട (05.45/05.46).

 

 

 

ട്രെയിൻ നമ്പർ 06124 തിരുവനന്തപുരം സെൻട്രൽ – എറണാകുളം ജംഗ്ഷൻ അൺറിസർവ്ഡ് സ്പെഷ്യൽ (കോട്ടയം വഴി) ട്രെയിൻ തിരുവനന്തപുരം സെൻട്രലിൽ നിന്ന് 15.10 മണിക്ക് പുറപ്പെട്ട് 20.15 മണിക്ക് എറണാകുളം ജംഗ്ഷനിലെത്തും. സ്റ്റോപ്പേജുകൾ: കഴക്കൂട്ടം (15.35/15.36), കണിയാപുരം (15.40/15.41), മുറുക്കമ്പുഴ (15.46/15.47), ചിറയിൻകീഴ് (15.55/15.56), കടക്കാവൂർ (15.59/16.00), വർക്കല സിവഗിരി (16.09/16.10), പരവൂർ (16.21/16.22), മയ്യനാട് (16.25/16.26), കൊല്ലം (16.35/16.38), പെരിനാട് (16.49/16.50), മുനറോത്തുറുത്ത് (16.55/16.56), സസ്താംകോട്ട (17.02/17.03), കരുനാഗപ്പള്ളി (17.13/17.14), ഒച്ചിറ (17.23/17.24), കായംകുളം (17.33/17.35), മാവേലിക്കര (17.43/17.44), ചെറിയനാട് (17.49/17.50), ചെങ്ങന്നൂർ (17.55/17.56), തിരുവല്ല (18.05/18.06), ചങ്ങനാശ്ശേരി (18.14/18.15), കോട്ടയം (18.29/18.32), കുമരനല്ലൂർ (18.36/18.37), എട്ടുമാനൂർ (18.43/18.44), വൈക്കം റോഡ് (18.57/18.58), പിറവം റോഡ് (19.05/19.06), മുളന്തുറുത്തി (19.17/19.18), തൃപ്പൂണിത്തുറ (19.28/19.29).

 

 

 

ട്രെയിൻ നമ്പർ 06125 തിരുവനന്തപുരം സെൻട്രൽ – എറണാകുളം ജംഗ്ഷൻ അൺറിസർവ്ഡ് സ്പെഷ്യൽ (ആലപ്പുഴ വഴി) ട്രെയിൻ 2026 മാർച്ച് 3-ന് 14.40 മണിക്ക് തിരുവനന്തപുരം സെൻട്രലിൽ നിന്ന് പുറപ്പെട്ട് 19.10 മണിക്ക് എറണാകുളം ജംഗ്ഷനിലെത്തും. സ്റ്റോപ്പേജുകൾ: കഴക്കൂട്ടം (14.54/14.55), കണിയാപുരം (14.59/15.00), ചിറയിൻകീഴ് (15.09/15.10), കടക്കാവൂർ (15.13/15.14), വർക്കല സിവഗിരി (15.25/15.26), പരവൂർ (15.37/15.38), മയ്യനാട് (15.41/15.42), കൊല്ലം (15.50/15.53), പെരിനാട് (16.03/16.04), മുനറോത്തുറുത്ത് (16.09/16.10), സസ്താംകോട്ട (16.15/16.16), കരുനാഗപ്പള്ളി (16.26/16.27), ഒച്ചിറ (16.35/16.36), കായംകുളം ഹാൾട്ട് (16.45/16.47), ചെപ്പാട് ഹാൾട്ട് (16.52/16.53), ഹരിപ്പാട് (16.59/17.00), അമ്പലപ്പുഴ (17.18/17.19), ആലപ്പുഴ (17.29/17.31), മാരാരിക്കുളം (17.43/17.44), ചെർത്തല (17.54/17.55), തുരവൂർ (18.05/18.06), കുമ്പളം (18.22/18.23).

 

II. അധിക സ്റ്റോപ്പേജുകൾ

 

 

 

 

 

ട്രെയിൻ നമ്പർ 12624 തിരുവനന്തപുരം സെൻട്രൽ – ഡോ. എംജിആർ ചെന്നൈ സെൻട്രൽ സൂപ്പർഫാസ്റ്റ് എക്സ്പ്രസ് 2026 മാർച്ച് 3-ന് തിരുവനന്തപുരം സെൻട്രലിൽ നിന്ന് പുറപ്പെടുന്നത് കഴക്കൂട്ടം (15.14/15.15), ചിറയിൻകീഴ് (15.26/15.27) എന്നിവിടങ്ങളിൽ താൽക്കാലിക സ്റ്റോപ്പേജ് ഉണ്ടായിരിക്കും.

 

 

 

ട്രെയിൻ നമ്പർ 16729 മഡുറൈ – പുനലൂർ എക്സ്പ്രസ് 2026 മാർച്ച് 2-ന് മഡുറൈ ജംഗ്ഷനിൽ നിന്ന് പുറപ്പെടുന്നത് പള്ളിയടി (04.57/04.58), ബലരാമപുരം (05.39/05.40) എന്നിവിടങ്ങളിൽ താൽക്കാലിക സ്റ്റോപ്പേജ്.

 

 

 

ട്രെയിൻ നമ്പർ 16344 രാമേശ്വരം – തിരുവനന്തപുരം സെൻട്രൽ അമൃത എക്സ്പ്രസ് 2026 മാർച്ച് 2-ന് രാമേശ്വരത്ത് നിന്ന് പുറപ്പെടുന്നത് ചിറയിൻകീഴ് (03.25/03.26) ൽ താൽക്കാലിക സ്റ്റോപ്പേജ്.

 

 

 

ട്രെയിൻ നമ്പർ 12081 കണ്ണൂർ – തിരുവനന്തപുരം സെൻട്രൽ ജൻ ശതാബ്ദി എക്സ്പ്രസ് 2026 മാർച്ച് 3-ന് കണ്ണൂരിൽ നിന്ന് പുറപ്പെടുന്നത് തിരുവനന്തപുരം പേട്ട (13.10/13.11) ൽ താൽക്കാലിക സ്റ്റോപ്പേജ്.

 

 

 

ട്രെയിൻ നമ്പർ 20631 മംഗലാപുരം സെൻട്രൽ – തിരുവനന്തപുരം സെൻട്രൽ വന്ദേഭാരത് എക്സ്പ്രസ് 2026 മാർച്ച് 3-ന് മംഗലാപുരം സെൻട്രലിൽ നിന്ന് പുറപ്പെടുന്നത് തിരുവനന്തപുരം പേട്ട (14.25/14.26) ൽ താൽക്കാലിക സ്റ്റോപ്പേജ്.

 

III. പുനർനിര്ധാരണം (റീഷെഡ്യൂളിങ്)

 

 

 

 

 

ട്രെയിൻ നമ്പർ 12643 തിരുവനന്തപുരം സെൻട്രൽ – ഹസ്രത് നിസാമുദ്ദീൻ എക്സ്പ്രസ് 2026 മാർച്ച് 3-ന് 14.15 മണിക്ക് പുറപ്പെടേണ്ടത് 14.30 മണിക്ക് (15 മിനിറ്റ് വൈകി).

 

 

 

ട്രെയിൻ നമ്പർ 56310 തിരുവനന്തപുരം നോർത്ത് – നാഗർകോവിൽ പാസഞ്ചർ 2026 മാർച്ച് 3-ന് തിരുവനന്തപുരം നോർത്തിൽ നിന്ന് 13.25 മണിക്ക് പുറപ്പെടേണ്ടത് 13.40 മണിക്ക് (15 മിനിറ്റ് വൈകി), തിരുവനന്തപുരം സെൻട്രലിൽ നിന്ന് 13.40 മണിക്ക് പുറപ്പെടേണ്ടത് 14.40 മണിക്ക് (1 മണിക്കൂർ വൈകി).

 

 

 

ട്രെയിൻ നമ്പർ 66306 കൊല്ലം – കന്യാകുമാരി MEMU 2026 മാർച്ച് 3-ന് കൊല്ലത്ത് നിന്ന് 11.35 മണിക്ക് പുറപ്പെടേണ്ടത് 12.50 മണിക്ക് (1 മണിക്കൂർ 15 മിനിറ്റ് വൈകി), തിരുവനന്തപുരം സെൻട്രലിൽ നിന്ന് 13.09 മണിക്ക് പുറപ്പെടേണ്ടത് 15.20 മണിക്ക് (2 മണിക്കൂർ 11 മിനിറ്റ് വൈകി).

ട്രെയിൻ നമ്പർ 16366 നാഗർകോവിൽ – കോട്ടയം എക്സ്പ്രസ് 2026 മാർച്ച് 3-ന് തിരുവനന്തപുരം സെൻട്രലിൽ നിന്ന് 14.35 മണിക്ക് പുറപ്പെടേണ്ടത് 15.20 മണിക്ക് (1 മണിക്കൂർ വൈകി).

തിരുവനന്തപുരം:കേന്ദ്ര- സംസ്ഥാന ഗവണ്‍മെന്റുകളുടെ സ്വദേശ് ദര്‍ശന്‍ പദ്ധതിയില്‍ ഉള്‍പെടുത്തി ക്ഷേത്രത്തിന്റെ എല്ലാ നടകളിലേയും റോഡ് ഗ്രൈനൈറ്റ് പതിച്ച് മോടിപിടിപ്പിച്ചിട്ടുണ്ട്.

പരമ്പരാഗത ശൈലിയില്‍ പതിച്ചിട്ടുള്ള മേന്മയുള്ള ഗ്രാനൈറ്റുകള്‍ വളരെ സൂക്ഷ്മതയോടെ സംരക്ഷിക്കേണ്ടത് ആവശ്യമാണ്.

പുതുതായി പതിപ്പിച്ചിട്ടുള്ള കല്ലുകള്‍ക്ക് മുകളില്‍ അടുപ്പ് കൂട്ടി പൊങ്കാലയിടുമ്പോള്‍ കല്ലുകളില്‍ കരിപിടിച്ച് ശോഭ നഷ്ടപ്പെടുന്നതിനും തീ ചൂടേറ്റ് പൊട്ടി നാശം സംഭവിക്കുന്നതിനും പദ്ധതിയുടെ ഭാഗമായി സ്ഥാപിച്ചിട്ടുള്ള ഭൂഗര്‍ഭകേബിളുകള്‍ക്ക് ചൂടേറ്റ് നാശം സംഭവിക്കുന്നതിനും സുരക്ഷ ഉപകരണങ്ങള്‍ ഉള്‍പെടെ പ്രവര്‍ത്തനരഹിതമാകുന്നിതും തീപിടുത്തത്തിനും കാരണമായേക്കും ആയത് കണക്കിലെടുത്ത് സ്വദേശ് ദര്‍ശന്‍ പദ്ധതിയുടെ ഭാഗമായി ക്ഷേത്രപരിസരത്ത് കല്ല് പതിച്ച് നടത്തിയിട്ടുള്ള നിര്‍മ്മാണപ്രവര്‍്ത്തനങ്ങള്‍ക്ക് മുകളില്‍ പൊങ്കാലയിടാന്‍ പാടുള്ളതല്ല എന്ന് എക്‌സീക്യൂട്ടിവ് ഓഫീസര്‍ അറിയിച്ചു.

തിരുവനന്തപുരം: ആറ്റുകാൽ പൊങ്കാലയ്ക്കായി  തിരുവനന്തപുരത്തേക്ക് എത്തുന്ന തീർഥാടകരെ സ്വീകരിക്കണമെന്ന് പാളയം ജുമ മസ്ജിദ് ഇമാം.

വെള്ളിയാഴ്ച ജുമാ നമസ്കാരത്തിന് മുന്നോടിയായി നടത്തിയ പ്രഭാഷണത്തിൽ, പൊങ്കാലയ്‌ക്കെത്തുന്ന സഹോദരിമാർക്കും കുട്ടികൾക്കും ഏറ്റവും മികച്ച ആതിഥേയത്വം നൽകണമെന്ന് ഇമാം ഡോ. വി പി സുഹൈബ് മൗലവി ആഹ്വാനം ചെയ്തു.

ഇത്തവണ പൊങ്കാല റംസാൻ കാലത്തായതിനാൽ, റംസാൻ നൽകുന്ന സ്നേഹത്തിന്റെയും സാഹോദര്യത്തിന്റെയും സന്ദേശം എല്ലാവരിലേക്കും എത്തിക്കാൻ ഓരോരുത്തരും മുന്നിട്ടിറങ്ങണമെന്ന് അദ്ദേഹം കൂട്ടിച്ചേർത്തു.

പൊങ്കാല ദിവസം വീടുകളും മസ്ജിദുകളും തീർഥാടകർക്കായി തുറന്നുകൊടുക്കണമെന്നും അവർക്ക് വിശ്രമിക്കാനുള്ള സൗകര്യങ്ങൾ ഒരുക്കണമെന്നും ഇമാം നിർദ്ദേശിച്ചു.

റംസാൻ നോമ്പ് എടുക്കുന്നതിനാൽ പകൽ സമയത്ത് സാധാരണഗതിയിൽ വീടുകളിൽ ഭക്ഷണവും പാനീയങ്ങളും ഉണ്ടാകില്ലെങ്കിലും, പൊങ്കാലയ്‌ക്കെത്തുന്ന അതിഥികൾക്കായി പ്രത്യേകമായി കുടിവെള്ളവും റംസാൻ വിഭവങ്ങളും ഭക്ഷണവും കരുതിവെക്കാൻ വിശ്വാസികൾ ശ്രദ്ധിക്കണമെന്ന് അദ്ദേഹം ഓർമ്മിപ്പിച്ചു.

വിദ്വേഷത്തെയും ഇസ്ലാമോഫോബിയയെയും സ്നേഹം കൊണ്ടും സാഹോദര്യം കൊണ്ടും മാത്രമേ പ്രതിരോധിക്കാൻ സാധിക്കൂ എന്നും, ഇത്തരം ആഘോഷവേളകൾ സ്നേഹം പ്രകടിപ്പിക്കാനുള്ള ഏറ്റവും വലിയ അവസരമാണെന്നും അദ്ദേഹം കൂട്ടിച്ചേർത്തു

തിരുവനന്തപുരം: ആറ്റുകാൽ പൊങ്കാല മഹോത്സവവുമായി ബന്ധപ്പെട്ട സർക്കാർ മുന്നൊരുക്കങ്ങൾ കാര്യക്ഷമമായി നടക്കുന്നതായി മുഖ്യമന്ത്രി പിണറായി വിജയൻ.

മുൻപ് വിവിധ ഘട്ടങ്ങളിലായി നടന്ന യോഗങ്ങളുടെ അടിസ്ഥാനത്തിൽ വിവിധ വകുപ്പുകൾ ഏകോപിതമായ ഇടപെടലുകൾ നടത്തിയിട്ടുണ്ട്. മുൻവർഷങ്ങളിലേതു പോലെ ഇത്തവണയും പൊങ്കാല ഏറ്റവും ഭംഗിയായി നടത്താൻ സാധിക്കും. ആറ്റുകാൽ പെങ്കാലയുമായി ബന്ധപ്പെട്ട് വിവിധ വകുപ്പുകളുടെ പ്രവർത്തനങ്ങൾ അവലോകനം ചെയ്യാൻ ആറ്റുകാൽ ക്ഷേത്രം ദേവി ആഡിറ്റോറിയത്തിൽ ചേർന്ന യോഗത്തിൽ സംസാരിക്കുകയായിരുന്നു മുഖ്യമന്ത്രി.

ആറ്റുകാൽ ഉത്സവത്തിന്റെ വരും ദിവസങ്ങളിലും ബന്ധപ്പെട്ട എല്ലാവരുടെയും പൂർണ്ണ സഹകരണവും അതീവ ശ്രദ്ധയും ഉറപ്പാക്കണം. ഇത്തവണയും വൻ ജനത്തിരക്ക് പ്രതീക്ഷിക്കപ്പെടുന്നതിനാൽ പോലീസിന്റെ ഭാഗത്ത് നിന്നും ജാഗ്രത വേണം. പ്രദേശവാസികൾക്ക് ഉണ്ടാകുന്ന ബുദ്ധിമുട്ടുകൾ കഴിവതും കുറയ്ക്കുന്ന രീതിയിൽ ക്രമീകരണങ്ങൾ നടത്തണം. പൊങ്കാലയ്ക്കായി എത്തുന്ന ഭക്തജനങ്ങൾക്ക് യാതൊരു വിധ ബുദ്ധിമുട്ടുകളും ഉണ്ടാകരുതെന്നും ആവശ്യമായ എല്ലാ സൗകര്യങ്ങളും മികച്ച രീതിയിൽ ഒരുക്കണമെന്നും മുഖ്യമന്ത്രി ഉദ്യോഗസ്ഥരോട് നിർദ്ദേശിച്ചു.

ആരോഗ്യ വകുപ്പിന്റെ നേതൃത്വത്തിൽ ഫെബ്രുവരി 23 മുതൽ മാർച്ച് 4 വരെ മെഡിക്കൽ ടീമുകൾ പ്രവർത്തിക്കും. 10 ആംബുലൻസുകൾ ക്രമീകരിച്ചിട്ടുണ്ട്. ബൈക്ക് റെസ്പോണ്ടർമാരുടെ സേവനവുമുണ്ട്. അധികമായി ആംബുലൻസുകൾ വേണ്ടി വന്നാൽ സജ്ജമാക്കുന്നതിന് സ്വകാര്യ ആശുപത്രികൾക്ക് ആരോഗ്യ വകുപ്പ് നിർദ്ദേശം നൽകിയിട്ടുണ്ട്. പെട്ടെന്നുള്ള അപകടങ്ങൾ നേരിടുന്നതിന് അധിക സൗകര്യങ്ങൾ ഒരുക്കാൻ മെഡിക്കൽ കോളേജ് അധികൃതർക്കും നിർദ്ദേശം നൽകിയിട്ടുണ്ട്.

കുത്തിയോട്ടത്തിൽ പങ്കെടുക്കുന്ന കുട്ടികൾക്കായി പീഡിയാട്രിഷ്യന്റെ സേവനവും ഉറപ്പാക്കിയിട്ടുണ്ട്. അടിയന്തര സാഹചര്യങ്ങൾ നേരിടാൻ സർക്കാർ, സ്വകാര്യ ആശുപത്രികളിൽ 10 കിടക്കകൾ വീതം മാറ്റിവെക്കുകയും ക്ഷേത്ര പരിസരത്തും നഗരത്തിലുമായി 12 ഹീറ്റ് ക്ലിനിക്കുകൾ തുറക്കുകയും ചെയ്തു. ഭക്ഷ്യസുരക്ഷാ വകുപ്പിന്റെ നേതൃത്വത്തിൽ 23 മുതൽ പ്രത്യേക സ്ക്വാഡുകളും സഞ്ചരിക്കുന്ന മൊബൈൽ ലാബും പരിശോധനകൾ നടത്തും.

ഭക്തജനങ്ങളുടെ സുരക്ഷയ്ക്കായി നാല് സോണുകളിലായി 5855 പോലീസ് ഉദ്യോഗസ്ഥരെ നിയോഗിച്ചു. ഇതിൽ കൂടുതൽ വനിതാ പോലീസുകാരെയും ഉൾപ്പെടുത്തിയിട്ടുണ്ട്. തിരക്ക് നിയന്ത്രിക്കാൻ ഡ്രോൺ നിരീക്ഷണം, പുതുതായി സ്ഥാപിച്ച 83 സിസിടിവി ക്യാമറകൾ, അഞ്ച് വാച്ച് ടവറുകൾ എന്നിവ സജ്ജമാക്കി. വാഹന പാർക്കിംഗിന് ക്യുആർ കോഡ് സംവിധാനം ഒരുക്കിയതോടൊപ്പം 24 മണിക്കൂർ പ്രവർത്തിക്കുന്ന പോലീസ് കൺട്രോൾ റൂമും ആരംഭിച്ചു. ലഹരി വ്യാപനം തടയാൻ എക്സൈസ് വകുപ്പും പോലീസും ചേർന്ന് പ്രത്യേക പരിശോധനകൾ നടത്തും.

യാത്രാസൗകര്യത്തിനായി കെ.എസ്.ആർ.ടി.സി 700 പ്രത്യേക ബസുകളും ബഡ്ജറ്റ് ടൂറിസത്തിന്റെ ഭാഗമായി 250 ബസുകളും സർവീസ് നടത്തും. ചെറിയ ഇലക്ട്രിക് ബസുകൾ ഉപയോഗിച്ച് ചെയിൻ സർവീസുകളും ഏർപ്പെടുത്തിയിട്ടുണ്ട്. റെയിൽവേ പ്രത്യേക ട്രെയിനുകളും അധിക സ്റ്റോപ്പുകളും അനുവദിച്ചു. പൊതുമരാമത്ത് വകുപ്പിന്റെ നേതൃത്വത്തിൽ ക്ഷേത്ര പരിസരത്തെ റോഡുകളും കാനകളും അറ്റകുറ്റപ്പണികൾ പൂർത്തിയാക്കി. ജല അതോറിറ്റി 1550 താൽക്കാലിക കുടിവെള്ള ടാപ്പുകളും 50 ഷവറുകളും സ്ഥാപിക്കും. കെ.എസ്.ഇ.ബി 250 ട്രാൻസ്ഫോർമറുകളുടെ അറ്റകുറ്റപ്പണികൾ പൂർത്തിയാക്കി ക്ഷേത്ര പരിസരത്ത് 24 മണിക്കൂർ കൺട്രോൾ റൂമും തുറന്നു.

തിരുവനന്തപുരം നഗരസഭയുടെ നേതൃത്വത്തിൽ ശുചീകരണ പ്രവർത്തനങ്ങൾക്ക് 2610 തൊഴിലാളികളെ നിയോഗിച്ചു. മാലിന്യം നീക്കം ചെയ്യാൻ 200 ടിപ്പർ ലോറികളും കുടിവെള്ള വിതരണത്തിനായി 40 ടാങ്കർ ലോറികളും സജ്ജമാക്കി. ഗ്രീൻ പ്രോട്ടോക്കോൾ കർശനമായി പാലിക്കുന്നതിനായി പ്ലാസ്റ്റിക് ഒഴിവാക്കി ‘ഹരിത പൊങ്കാല കിറ്റ്’ ശുചിത്വ മിഷൻ നടപ്പിലാക്കുന്നു. സ്ത്രീകൾക്കായി പ്രത്യേക മൊബൈൽ ടോയ്‌ലറ്റുകളും ഒരുക്കിയിട്ടുണ്ട്. ഫയർ ആൻഡ് റെസ്ക്യൂ വകുപ്പ് 51 വാഹനങ്ങളും ഉദ്യോഗസ്ഥരും സജ്ജമാക്കി. ശബ്ദ, വായു മലിനീകരണം നിരീക്ഷിക്കാൻ മലിനീകരണ നിയന്ത്രണ ബോർഡ് നാല് സ്റ്റേഷനുകളിലായി പ്രത്യേക സംവിധാനങ്ങൾ ഏർപ്പെടുത്തി.

പൊങ്കാല ദിവസം ചന്ദ്രഗ്രഹണവുമായി ബന്ധപ്പെട്ട് ക്ഷേത്രദർശനത്തിന് ഉച്ചയ്ക്ക് 1.30 മുതൽ വൈകീട്ട് 7 മണി വരെ നിയന്ത്രണങ്ങൾ ഉണ്ടായിരിക്കുന്നതിനാൽ ഭക്തരുടെ ബുദ്ധിമുട്ട് ഒഴിവാക്കാൻ ക്ഷേത്ര ഭരണസമിതിയും പോലീസും നടപടികൾ സ്വീകരിക്കും. ആറ്റുകാൽ പൊങ്കല ദിവസം തിരുവനന്തപുരം ജില്ലയ്ക്ക് അവധി നൽകുമെന്നും, മാർച്ച് 2 ന് ആറ് മണി മുതൽ 3ന് വൈകിട്ട് ആറ് മണി വരെ ഡ്രൈ ഡേ കർക്കശമായി നടപ്പാക്കുമെന്നും ജില്ലാ കളക്ടർ അറിയിച്ചു. ആറ്റുകാൽ പൊങ്കാല ഉത്സവത്തിന്റെ നോഡൽ ഓഫീസറായി സബ് കളക്ടർ ഒ വി ആൽഫ്രെഡിനെ ചുമത്തലപ്പെടുത്തി.

മന്ത്രിമാരായ വി.എൻ. വാസവൻ, വി ശിവൻകുട്ടി, മേയർ വി വി രാജേഷ്, ജില്ലാ കളക്ടർ അനുകുമാരി തുടങ്ങിയവർ യോഗത്തിൽ പങ്കെടുത്തു.