തിരുവനന്തപുരം : മണ്ണന്തലയിൽ യുവതിയെ സഹോദരൻ അടിച്ച് കൊന്നു.
പോത്തൻകോട് സ്വദേശിനി ഷെഫീന (33)യാണ് കൊല്ലപ്പെട്ടത്. സഹോദരൻ ഷംസാദിനെ മണ്ണന്തല പോലീസ് കസ്റ്റഡിയിലെടുത്തു.
മണ്ണന്തല മുക്കോലക്കലാണ് നാടിനെ നടുക്കിയ ദാരുണ സംഭവമുണ്ടായത്. മദ്യപിച്ചെത്തി സഹോദരിയെ മർദ്ദിക്കുകയായിരുന്നു. പ്രതിക്ക് ഒപ്പമുണ്ടായിരുന്ന വൈശാഖ് എന്നയാളെയും പൊലീസ് കസ്റ്റഡിയിലെടുത്തു.
തിരുവനന്തപുരം : പൂജപ്പുരയില് വനിത ശിശു വകുപ്പ് കോംപ്ലക്സിനകത്ത് നിര്മ്മിച്ച പുതിയ സഖി വണ് സ്റ്റോപ്പ് സെന്റര് കെട്ടിടത്തിന്റെ ഉദ്ഘാടനം ജൂണ് 9 തിങ്കളാഴ്ച രാവിലെ 11 മണിക്ക് ആരോഗ്യ വനിത ശിശു വികസന വകുപ്പ് മന്ത്രി വീണാ ജോര്ജ് നിര്വഹിക്കും.
60 ലക്ഷം രൂപ ചെലവഴിച്ചാണ് കെട്ടിടം നിര്മ്മാണം പൂര്ത്തിയാക്കിയിട്ടുള്ളത്. പൊതു വിദ്യാഭ്യാസ വകുപ്പ് മന്ത്രി വി ശിവന്കുട്ടി അധ്യക്ഷത വഹിക്കും.
സ്ത്രീകള്ക്കും കുട്ടികള്ക്കുമെതിരെ അതിക്രമങ്ങള് തടയുന്നതിനും അതിക്രമങ്ങള് അതിജീവിച്ചവര്ക്ക് ആവശ്യമായ കൗണ്സിലിംഗ്, വൈദ്യസഹായം ചികിത്സ, നിയമസഹായം, പോലീസ് സംരക്ഷണം, സുരക്ഷിത അഭയം എന്നീ സേവനങ്ങള് ഒരു കുടക്കീഴില് ഉറപ്പുവരുത്തുന്നതിനായി കേന്ദ്ര, സംസ്ഥാന സര്ക്കാരുകള് സംയുക്തമായി നടപ്പിലാക്കുന്ന പദ്ധതിയാണ് സഖി വണ് സ്റ്റോപ്പ് സെന്റര്.
വനിതാ ശിശു വികസന വകുപ്പ് മുഖേനയാണ് ഇത് നടപ്പിലാക്കുന്നത്. ഈ സംവിധാനം 24 മണിക്കൂറും പ്രവര്ത്തിക്കുന്നു. നിലവില് 14 ജില്ലകളിലും ഒരു വണ് സ്റ്റോപ്പ് സെന്റര് വീതമാണ് പ്രവര്ത്തിക്കുന്നത്. കൂടാതെ എറണാകുളം, കോഴിക്കോട് ജില്ലകളില് അഡീഷണല് വണ് സ്റ്റോപ്പ് സെന്ററുകള് ആരംഭിക്കുന്നതിനുള്ള നടപടി സ്വീകരിച്ചു വരുന്നു.
കേരളത്തില് 14 ജില്ലകളിലുമായി 22,850 സ്ത്രീകള്ക്കും കുട്ടികള്ക്കും വണ് സ്റ്റോപ്പ് സെന്റര് മുഖേന സേവനം ലഭ്യമാക്കിയിട്ടുണ്ട്. ഫോളോ അപ്പ് നടപടികള് ആവിശ്യമായ സാഹചര്യങ്ങളില് അതും വണ് സ്റ്റോപ്പ് സെന്റര് മുഖാന്തിരം നടത്തിവരുന്നു. നിലവില് തിരുവനന്തപുരം ജില്ലയില് 2296 സ്ത്രീകള്ക്കും കുട്ടികള്ക്കും ആണ് വണ് സ്റ്റോപ്പ് സെന്റര് മുഖേന സേവനം നല്കിയിട്ടുള്ളത്. 480 കേസുകള് വിമന്സ് ഹെല്പ്പ് ലൈന് (മിത്ര 181) മുഖേനയാണ് വന്നിട്ടുള്ളത്.
തിരുവനന്തപുരം: ബംഗാൾ തീരത്തിനു സമീപം തീവ്രന്യൂനമർദം അതിതീവ്ര ന്യൂനമർദമായതോടെ കേരളത്തിൽ കനത്ത മഴ.
തിരുവനന്തപുരം ഉൾപ്പെടെയുള്ള ജില്ലകളിൽ ശക്തമായ കാറ്റും മഴയുമാണ്. ഇതേ തുടര്ന്ന് പലയിടത്തും വൈദ്യുതി ബന്ധം തകരാറിലായി.
ഇന്നലെ വൈകുന്നേരം പോയ വൈദ്യുതി പലയിടത്തും പുനസ്ഥാപിച്ചില്ല. വൈദ്യുതിപോസ്റ്റുകളിൽ മരം വീണുണ്ടായ നാശനഷ്ടം പരിഹരിക്കാനുള്ള കാലതാമസമാണെന്നാണ് കെഎസ്ഇബി അറിയിക്കുന്നത്.
കാലവർഷത്തിന്റെ ഭാഗമായി അടുത്ത 4 ദിവസം പടിഞ്ഞാറൻ കാറ്റ് കേരളത്തിനു മുകളിൽ തുടരും. കേരളത്തിൽ വരും ദിവസങ്ങളിലും വ്യാപക മഴയ്ക്കു സാധ്യതയുണ്ട്.
കേരള ലക്ഷദ്വീപ് തീരങ്ങളിൽ മത്സ്യബന്ധനത്തിനു വിലക്കേര്പ്പെടുത്തിയിട്ടുണ്ട്.
തിരുവനന്തപുരം:വരുന്ന 24 മണിക്കൂറില് ജില്ലയില് ഒറ്റപ്പെട്ടയിടങ്ങളില്
115.6 എം.എം മുതല് 204.4 എം.എം വരെ അതിശക്തമായ മഴയ്ക്ക് സാധ്യതയുള്ളതിനാല് ജില്ലയില് ഇന്നും (29.05.2025), നാളെയും (30.05.2025) കേന്ദ്ര കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചു.
തിരുവനന്തപുരം: തിരുവനന്തപുരത്ത് കോളറബാധിച്ച് വൃദ്ധൻ മരിച്ചു.
കവടിയാർ സ്വദേശിയായ 63-കാരനാണ് മരണപ്പെട്ടത്. സ്വകാര്യ ആശുപത്രിയിൽ ചികിത്സയിലിരിക്കെ ഏഴ് ദിവസം മുമ്പായിരുന്നു മരണം സംഭവിച്ചത്. രക്തപരിശോധനയിലാണ് കോളറ സ്ഥിരീകരിച്ചത്.
മരണകാരണം കോളറയാണെന്ന ആശുപത്രി അധികൃതർ നൽകിയ വിവരത്തിനു പിന്നാലെ പ്രദേശത്തെ സാമ്പിളുകൾ പരിശോധിക്കുന്നതിനുള്ള തീരുമാനം ആരോഗ്യ വകുപ്പ് കൈക്കൊണ്ടു.
നിലവിൽ മറ്റാർക്കും രോഗം റിപ്പോർട്ട് ചെയ്തിട്ടില്ല. ഒരു ഇടവേളയ്ക്കു ശേഷമാണ് സംസ്ഥാനത്ത് കോളറ മരണം റിപ്പോർട്ട് ചെയ്യുന്നത്.
തിരുവനന്തപുരം: കേരള വാട്ടർ അതോറിറ്റിയുടെ വെള്ളയമ്പലത്തുള്ള ശുദ്ധീകരണശാലയിയിൽ 2025 ഏപ്രിൽ 23 ന് ശുചീകരണ പ്രവർത്തനങ്ങൾ നടത്തുന്നതിനാൽ
അന്നേ ദിവസം ഉച്ചയ്ക്ക് 2 മണി മുതൽ രാത്രി 10 മണി വരെ കുര്യാത്തി, പാറ്റൂർ സെക്ഷൻ പരിധിയിൽ വരുന്ന തമ്പാനൂർ, ഫോർട്ട്, ശ്രീവരാഹം, ചാല, വലിയശാല, കുര്യാത്തി, മണക്കാട്, ആറ്റുകാൽ, വള്ളക്കടവ്, മുട്ടത്തറ, കമലേശ്വരം, കളിപ്പാൻകുളം, പെരുന്താന്നി, ശ്രീകണ്ഠേശ്വരം തുടങ്ങിയ വാർഡുകളിലും പാറ്റൂർ സെക്ഷൻ പരിധിയിൽ വരുന്ന കൈതമുക്ക് പാസ്പോർട്ട് ഓഫിസിന്റെ ചുറ്റുമുള്ള സ്ഥലങ്ങൾ, ചമ്പക്കട എന്നീ പ്രദേശങ്ങളിലും ശുദ്ധജലവിതരണം ഭാഗീകമായി തടസ്സപ്പെടും. ഉപഭോക്താക്കൾ വേണ്ട മുൻകരുതലുകൾ സ്വീകരിക്കേണ്ടതാണെന്ന് വാട്ടർ അതോറിറ്റി അറിയിച്ചു.
പ്രിൻസിപ്പൽ ഇൻഫമേഷൻ ഒാഫിസർ
കേരള വാട്ടർ അതോറിറ്റി
തിരുവനന്തപുരം: തിരുവനന്തപുരം നഗരത്തിലെ വിവിധ സ്പാ കേന്ദ്രങ്ങളിൽ മിന്നൽ പരിശോധന നടത്തി പൊലീസ്.
അനധികൃത സ്ഥാപനങ്ങളിൽ ലഹരി വിൽപന നടക്കുന്നുവെന്ന രഹസ്യ വിവരത്തിന്റെ അടിസ്ഥാനത്തിലാണ് പരിശോധന.
നഗരത്തിലെ വിവിധ മസാജ് പാർലറുകളും സ്പാ കേന്ദ്രങ്ങളും കേന്ദ്രീകരിച്ചാണ് പരിശോധന നടത്തുന്നത്.
കഴിഞ്ഞ ആഴ്ച കഴക്കൂട്ടത്തെ സ്പാ കേന്ദ്രത്തിൽ നിന്ന് എംഡിഎംഎയുമായി ജീവനക്കാരിയെ പിടികൂടിയിരുന്നു. യുവതിയെ ചോദ്യം ചെയ്തതിൽ നിന്നാണ് കൂടുതൽ വിവരങ്ങൾ പുറത്തുവന്നത്.
സ്പാ കേന്ദ്രങ്ങളിൽ ലഹരിവിൽപന നടക്കുന്നുണ്ടെന്ന് യുവതി അന്ന് മൊഴി നൽകിയിരുന്നു. നേരത്തെ യൂണിവേഴ്സിറ്റി ഹോസ്റ്റലിലും മെഡിക്കൽ കോളേജ് ഹോസ്റ്റലിലും പൊലീസിന്റെയും എക്സൈസിന്റെയും നേതൃത്വത്തിൽ പരിശോധന നടന്നിരുന്നു.
തിരുവനന്തപുരം: ലാൻഡിംഗിനായി ഇറങ്ങിയ വിമാനത്തിൽ പക്ഷിയിടിച്ചതിനെ തുടർന്ന് യാത്ര റദ്ദാക്കി ഒമാൻ എയർവെയ്സ്.
ഇന്നലെ രാവിലെ 7.30ന് 150 യാത്രക്കാരുമായി മസ്കറ്റിൽ നിന്നെത്തിയ ഡബ്ലിയു.വൈ 211-ാം നമ്പർ വിമാനത്തിലാണ് പരുന്ത് ഇടിച്ചത്.
എൻജിനുള്ളിലേക്ക് പരുന്ത് ഇടിച്ചുകയറിയതോടെ വിമാനത്തിന് ഉലച്ചിലുണ്ടായെങ്കിലും പൈലറ്റിന്റെ സമയോചിതമായ ഇടപെടലിനെ തുടർന്ന് വൻ ദുരന്തമൊഴിവായി.
എൻജിനുള്ളിൽ അകപ്പെട്ട പരുന്തിനെ ചതഞ്ഞരഞ്ഞ നിലയിലാണ് പിന്നീട് കണ്ടെത്തിയത്. സാങ്കേതിക തകരാർ പരിഹരിച്ച് അടുത്ത പറക്കലിന് വിമാനം സജ്ജമാക്കിയെങ്കിലും ക്യാബിൻ ക്രൂവിന്റെ ഡ്യൂട്ടി സമയം കഴിഞ്ഞതിനാൽ തുടർ പറക്കൽ നടന്നില്ല. പിന്നീട് യാത്രക്കാരെ മറ്റൊരു താമസസ്ഥലത്തേക്ക് മാറ്റി.
തിരുവനന്തപുരം: തിരുവനന്തപുരത്ത് ഡിവൈഎഫ്ഐ നേതാവിന് കുത്തേറ്റു.
കുമാരപുരം യൂണിറ്റിലെ പ്രവീണിനാണ് കുത്തേറ്റത്. ഇന്നലെ രാത്രിയാണ് സംഭവമുണ്ടായത്. മദ്യപാനസംഘത്തെ ചോദ്യം ചെയ്തപ്പോഴാണ് ആക്രമിക്കപ്പെട്ടത്