തിരുവനന്തപുരം:ജില്ലാ പഞ്ചായത്തിൻ്റെ 2024-25 വാർഷിക പദ്ധതിയിൽ ഉൾപ്പെട്ട പട്ടികജാതി വിഭാഗത്തിലെ ബി എസ് സി നഴ്സിംഗ്/ ജനറൽ നഴ്സിംഗ്/ എൻജിനീയറിങ്/ ഹെൽത്ത് ഇൻസ്പെക്ടർ /ഐടിഐ കോഴ്സുകൾ വിജയിച്ച യുവതി യുവാക്കൾക്ക് തൊഴിൽ പരിശീലന പദ്ധതിയിലേക്ക് പരിശീലകരെ തെരഞ്ഞെടുക്കുന്നതിന് അപേക്ഷ ക്ഷണിച്ചു.
ജില്ലാ പട്ടികജാതി വികസന ഓഫീസിൽ നിന്നും ലഭിക്കുന്ന നിശ്ചിത മാതൃകയിലുള്ള അപേക്ഷാഫോം തസ്തികകൾക്ക് അനുസൃതമായി വിദ്യാഭ്യാസ യോഗ്യത, ജാതി തെളിയിക്കുന്ന സർട്ടിഫിക്കറ്റുകൾ, സാക്ഷ്യപ്പെടുത്തിയ പകർപ്പുകൾ, ആധാർ കാർഡ്, ബാങ്ക് പാസ്ബുക്ക് എന്നിവയുടെ പകർപ്പുകൾ ഉൾപ്പെടെ സെപ്റ്റംബർ 11 വൈകുന്നേരം അഞ്ചുമണിക്ക് മുൻപായി ജില്ലാ പട്ടികജാതി വികസന ഓഫീസർ, ജില്ലാ പട്ടികജാതി വികസന ഓഫീസ്, അയ്യങ്കാളി ഭവൻ, കനകനഗർ, വെള്ളയമ്പലം, 695003 എന്ന വിലാസത്തിൽ ലഭിക്കണം. ഫോൺ 0471 2314238, 2314232
തസ്തികകളും യോഗ്യതകളും ചുവടെ:
ബി എസ് സി നഴ്സിംഗ് അപ്രന്റീസ് – അംഗീകൃത സർവകലാശാലയിൽ നിന്നുള്ള ബി എസ് സി നഴ്സിംഗ് ബിരുദം
ജനറൽ നഴ്സിംഗ് അപ്രന്റീസ് – അംഗീകൃത സർവ്വകലാശാലയിൽ നിന്നുള്ള ജനറൽ നഴ്സിംഗ് ബിരുദം
എൻജിനീയറിങ്/ ഡിപ്ലോമ – അംഗീകൃത സർവകലാശാല എൻജിനീയറിങ് ബിരുദം
ഐടിഐ വിഭാഗം- കേന്ദ്ര സംസ്ഥാന സാങ്കേതിക വിദ്യാഭ്യാസ വകുപ്പിന്റെ ട്രേഡ് സർട്ടിഫിക്കറ്റ്
ഹെൽത്ത് ഇൻസ്പെക്ടർ- ഡിപ്ലോമ ഇൻ ഹെൽത്ത് ഇൻസ്പെക്ടർ കോഴ്സ്