വെള്ളറട: കഞ്ചാവ് കേസിൽ ഒളിവിലായിരുന്ന പനച്ചമൂട് പഞ്ചാകുഴി തഫീക്ക് മൻസിലിൽ തൻസീർ (22) പിടിയിലായി. മലപ്പുറത്ത് ഒളിവിൽ കഴിയുകയായിരുന്നു. വെള്ളറട സി.ഐ മൃദുൽ കുമാറിന്റെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്. 2021ൽ പനച്ചമൂട് പഞ്ചാകുഴിയിൽ നിന്ന് ഒന്നരകിലോ കഞ്ചാവ് പൊലീസ് പിടികൂടിയിരുന്നു. ഈ കേസിലെ ഒന്നാം പ്രതിയാണ് ഇയാൾ. അന്ന് പൊലീസിനെ വെട്ടിച്ച് ഒളിവിൽ പോവുകയായിരുന്നു. നെയ്യാറ്റിൻകര കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
അട്ടകുളങ്ങര -തിരുവല്ലം റോഡിൽ ഗതാഗത നിയന്ത്രണം
07/09/2024
11:11 PM
