തിരുവനന്തപുരം:നഗരത്തിലെ സ്കൂളുകൾ കേന്ദ്രീകരിച്ച് കഞ്ചാവ് വിൽപ്പന നടത്തുന്ന അഞ്ചംഗ സംഘത്തെ പൊലീസ് അറസ്റ്റ് ചെയ്തു.വലിയതുറ ഡോൺ ബോസ്‌കോ ലെയിൻ സ്വദേശി സ്റ്റെഫാൻ (20),കൊച്ചുതോപ്പ് സ്വദേശി ക്ളിന്റൺ (21),വലിയതുറ സ്വദേശി കെവിൻ (18),വലിയതുറ ലിസി റോഡ് സ്വദേശി സൂരജ് (19),വലിയതുറ വാട്ട്സ് റോഡ് സ്വദേശി എബിൻ ജോർജ് (23) എന്നിവരെയാണ് വലിയതുറ പൊലീസ് അറസ്റ്റ് ചെയ്തത്.ഇവരിൽ നിന്ന് കഞ്ചാവ് പൊതികളും പിടിച്ചെടുത്തു.കെവിൻ ഒഴികെയുള്ള പ്രതികൾക്കെതിരെ വലിയതുറ സ്റ്റേഷനിൽ അടിപിടി, പൊലീസ് നേരെയുള്ള ആക്രമണം,വാഹനം തകർക്കൽ അടക്കം നിരവധി കേസുകളുണ്ട്.ശംഖുംമുഖം അസിസ്‌റ്റന്റ് കമ്മിഷണർ ഡി.കെ.പൃഥ്വിരാജിന്റെ നിർദ്ദേശപ്രകാരം വലിയതുറ എസ്.ഐ അഭിലാഷ് മോഹൻ, അനന്തകൃഷ്‌ണൻ, എ.എസ്.ഐ ശിവപ്രസാദ്, അസി.സി.പി.ഒ മനുസ സി.പി.ഒമാരായ ഷാബു, അരുൺ പ്രശോബ്, അനീഷ്, റോജിൻ എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.
ക്രിസ്മസ് ദിനത്തിൽ അമ്മത്തൊട്ടിലിൽ ലഭിച്ച കുഞ്ഞിന് പേരിട്ടു
26/12/2024
10:07 AM
