തിരുവനന്തപുരം: ഡീസൽ പ്രതിസന്ധി രൂക്ഷമായ സാഹചര്യത്തിൽ സർവീസുകൾ വെട്ടിക്കുറച്ച് കെഎസ്ആർടിസി. ഇന്ന് 50 ശതമാനവും നാളെ 25 ശതമാനവും ഓർഡിനറി ബസുകൾ മാത്രമെ സർവീസ് നടത്തുകയുള്ളൂ. ഞായറാഴ്‌ച ഓർഡിനറി സർവീസുകൾ പൂർണമായും ഒഴിവാക്കും.
ഇത് സംബന്ധിച്ച് കെഎസ്ആർടിസി എംഡി ബിജു പ്രഭാകർ നിർദേശം നൽകി. അതേസമയം വരുമാനമുള്ള ഫാസ്റ്റ് പാസഞ്ചർ മുതലുള്ള സൂപ്പർ ക്ലാസ് സർവീസുകൾ മുടക്കരുതെന്നും നിർദേശമുണ്ട്. ചൊവ്വാഴ്‌ചയോടെ ഡീസൽ പ്രതിസന്ധി പരിഹരിക്കാനാകുമെന്നും അദ്ദേഹം പറഞ്ഞു.
