തിരുവനന്തപുരം; ദേശീയ കൈത്തറി വാരാഘോഷത്തോട് അനുബന്ധപ്പെട്ട് നബാർഡ് സംഘടിപ്പിക്കുന്ന കൈത്തറി പ്രദർശന വിപണന മേള ആരംഭിച്ചു. തിരുവനന്തപുരം വൈഎംസിഎ ഹാളിൽ നടക്കുന്ന ഈ മാസം 10 വരെ നടക്കുന്ന മേള നബാർഡ് ചീഫ് ജനറൽ മാനേജർ ഗോപകുമാരൻ നായർ ഉദ്ഘാടനം ചെയ്തു. വിപണന മേളയുടെ സംഘാടകരായ സിസ്സയുടെ ജനറൽ സെക്രട്ടറി ഡോ. സുരേഷ് കുമാർ , നബാർഡ് ജി.എം ആർ സുന്ദര നാരായണൻ, ഡിജിഎമ്മാരായ കെ. സുബ്രഹ്മണ്യൻ, ലാലു പി.എൻ കുട്ടി തുടങ്ങിയവർ പങ്കെടുത്തു.കൈത്തറി വസ്ത്രങ്ങൾക്ക് പേര് കേട്ട തലസ്ഥാന നഗരിയുടെ ഹൃദയഭാഗത്ത് ഓണത്തിന്റെ വരവ് അറിയിച്ച് കൊണ്ടാണ് നബാർഡും, സിസ്സയും കൈത്തറി പ്രദർശന വിപണ മേള സംഘടിപ്പിച്ചിരിക്കുന്നത്.
തെക്കേ ഇന്ത്യയിലെ പ്രമുഖ കൈത്തറി ക്ലസ്റ്ററുകളായ ബാലരാമപുരം, വിരുദ്നഗർ, മധുര, കാസർഗോഡ്, കണ്ണൂർ, ഇടുക്കി, ആലപ്പുഴ, തൃശ്ശൂർ, മുതലായ സ്ഥലങ്ങളിൽ നിന്നുള്ള വിവിധ കൈത്തറി ഉൽപ്പന്നങ്ങളും, കരകൗശല ഉൽപ്പന്നങ്ങളും ഇവിടെയുണ്ട്. ഇടനിലക്കാരില്ലാതെ നെയ്തുകാരിൽ നിന്നും നേരിട്ട് ഗുണനിലവാരമുള്ള കൈത്തറി ഉൽപ്പന്നങ്ങൾ ഇവിടെ നിന്നും ലഭിക്കും. ബാലരാമപുരം ഹാൻഡ്ലൂം കമ്പനിയോടൊപ്പം, കാസർഗോഡ് വീവേഴ്സ് കോപ്പറേറ്റീവ് സൊസൈറ്റി, കനിറോഡ് വീവേഴ്സ്, ഗ്രീൻ ഫേം അരുപ്പുകോട്ടെ വസ്ത്രാ വീവേഴ്സ്, ഇരിനാവ് വീവേഴ്സ് ഇൻഡസ്ട്രി, തിരുവില്ലാമല ഹാൻഡ്ലൂംസ്, കുത്തുംപുള്ളി സൊസൈറ്റി, തുടങ്ങിയ കൈത്തറി രംഗത്തെ സംഘകളിലെ വസ്ത്രങ്ങളാണ് പ്രദർശനത്തിനും വിപണനിത്തിനുമായി ഉള്ളത്.
