തിരുവനന്തപുരം: വിഴിഞ്ഞം തുറമുഖ നിര്‍മാണ മേഖലയിലെ സമരം ശക്തമാക്കി മത്സ്യത്തൊഴിലാളികള്‍. ലത്തീന്‍ അതിരൂപതയുടെ നേതൃത്വത്തില്‍ ഇന്നും സ്ത്രീകളടക്കമുള്ളവര്‍ തുറമുഖ കവാടത്തിലേക്ക് പ്രതിഷേധ പ്രകടനം നടത്തി. അതിനിടെ, സമരം ഒത്തുതീര്‍പ്പാക്കണമെന്ന് അനുഭാവം പ്രകടിപ്പിച്ചു സമരപന്തലിലെത്തിയ വി ഡി സതീശന്‍ ആവശ്യപ്പെട്ടു. എന്നാല്‍ സമരത്തില്‍ രാഷ്ട്രീയം കലര്‍ത്തുന്നെന്നാരോപിച്ച് സമരപന്തലിലെത്തിയ വിഡി സതീശനെതിരെ ഒരു വിഭാഗം പ്രതിഷേധിച്ചു. സതീശന്‍ സമരക്കാരെ അഭിസംബോധന ചെയ്ത് സംസാരിച്ചതിനു പിന്നാലെയായിരുന്നു പ്രതിഷേധം. രാഷ്ട്രീയക്കാര്‍ ഇവിടെ വരേണ്ടെന്നും സമരത്തെ രാഷ്ട്രീയവല്‍കരിക്കരുത് എന്നുമായിരുന്നു ഇവരുടെ വാദം. ഒരു രാഷ്ട്രീയ പാര്‍ട്ടിയുടേയും സമരമാക്കി ഇതിനെ മാറ്റരുതെന്നും ഇവര്‍ പറഞ്ഞു. തുടര്‍ന്ന് മുദ്രാവാക്യങ്ങളും ഉയര്‍ന്നു. ബഹളം ശക്തമായതോടെ പ്രതിപക്ഷ നേതാവ് ഉടന്‍ മടങ്ങി.
തിരുവനന്തപുരത്ത് ജലവിതരണം മുടങ്ങും
23/11/2025
9:14 PM
