തിരുവനന്തപുരം; സർവ്വീസിനിടയിൽ കെഎസ്ആർടിസി ബസിന്റെ ടയർ ഊരി തെറിച്ച സംഭവത്തിൽ മൂന്ന് ജീവനക്കാരെ സസ്പെൻഡ് ചെയ്തു.വിഴിഞ്ഞം ഡിപ്പോയിലെ മെക്കാനിക്കുമാരായ റിങ്കിൽ ടോബി. പി. ആർ, അരുൺലാൽ പി.എസ്, വി.ജി ഗോപകുമാർ എന്നിവരെയാണ് പ്രഥമദൃഷ്ട്യാ കുറ്റക്കാരെന്ന് കണ്ടത്ത് അന്വേഷണ വിധേയമായി സസ്പെൻഡ് ചെയ്തത്. വാഹന പരിപാലനത്തിൽ ഇവർ ഗുരുതര വീഴ്ച വരുത്തിയത് കൊണ്ടാണ് അപകടത്തിന് കാരണമെന്നാണ് പ്രഥാമിക അന്വേഷണത്തിൽ കണ്ടെത്തിയത്.