നിയമസഭാ വളപ്പിൽ അന്താരാഷ്ട്ര പുസ്തകമേള

തിരുവനന്തപുരം: നിയമസഭാ ലൈബ്രറിയുടെ നൂറാം വാർഷികോഘോഷങ്ങളുടെ ഭാഗമായി ജനുവരി 5 മുതൽ 15 വരെ നിയമസഭാ വളപ്പിൽ അന്താരാഷ്ട്ര പുസ്തകോത്സവം സംഘടിപ്പിക്കും.പ്രവേശനം സൗജന്യമാണ്.മേള മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ടി.പദ്മനാഭനെ ചടങ്ങിൽ ആദരിക്കും.’വായനയാണ് ലഹരി’ എന്ന സന്ദേശം ഉയത്തി വിദ്യാർത്ഥികൾക്കായി മേളയുടെ ഭാഗമായി കവിത,​കഥ,​കാർട്ടൂൺ രചനാ മത്സരങ്ങളുണ്ടാകും.സാമ്പത്തികമായി പിന്നാക്കം നിൽക്കുന്ന വിദ്യാർത്ഥികൾക്ക് സൗജന്യമായി പുസ്തങ്ങൾ നൽകും.പ്രഭാഷണങ്ങളും സംവാദങ്ങളും കലാപരിപാടികളും ഉണ്ടാകും.എം.എൽ.എയും നടനുമായ മുകേഷിന്റെ നേതൃത്വത്തിൽ നാടകവും ഗായികയും എം.എൽ.എയുമായ ദലീമയുടെ നേതൃത്വത്തിൽ ഗാനപരിപാടിയും ഉണ്ടാകും.