തിരുവനന്തപുരം : ബീമാപള്ളി ദർഗാ ഷെരീഫ് ഉറൂസിന് കൊടിയേറി. 25 മുതൽ ജനുവരി മൂന്നു വരെ എല്ലാ ദിവസവും രാത്രി 7 മുതൽ മൗലൂദ്, ബുർദ തുടങ്ങിയവ ഉണ്ടായിരിക്കും. എല്ലാ ദിവസവും രാത്രി 9.30ന് മതപ്രസംഗം നടക്കും. സമാപന ദിവസമായ ജനുവരി നാലിനു പുലർച്ചെ ഒന്നിന് പ്രാർഥന, 1.30-ന് പട്ടണപ്രദക്ഷിണം.
ഉറൂസ് പ്രമാണിച്ച് കെ.എസ്.ആർ.ടി.സി. പ്രത്യേക ബസ് സർവീസ് ഉണ്ടായിരിക്കുമെന്ന് ബീമാപള്ളി മുസ്ലിം ജമാഅത്ത് പ്രസിഡന്റ് എ.എൽ.മുഹമ്മദ് ഇസ്മായിൽ, ജനറൽ സെക്രട്ടറി എം.കെ.എം.നിയാസ് എന്നിവർ പത്രസമ്മേളനത്തിൽ അറിയിച്ചു.