ശിവഗിരി : 90-ാമത് ശിവഗിരി തീർഥാടനം വെള്ളിയാഴ്ച തുടങ്ങും. 30-ന് രാവിലെ 10-ന് കേന്ദ്ര പ്രതിരോധമന്ത്രി രാജ്നാഥ് സിങ് തീർഥാടനം ഉദ്ഘാടനം ചെയ്യും. മൂന്നുദിവസങ്ങളിലായി 13 സമ്മേളനങ്ങൾ തീർഥാടനത്തിന്റെ ഭാഗമായി നടക്കും. തീർഥാടകരെ വരവേൽക്കാൻ വിപുലമായ സജ്ജീകരണങ്ങളാണ് ഒരുക്കിയിട്ടുള്ളത്.ഔദ്യോഗിക പദയാത്രകൾ വ്യാഴാഴ്ച വൈകീട്ട് ശിവഗിരിയിൽ സംഗമിക്കും. വിവിധ പദയാത്രകളിലായി ആയിരങ്ങൾ രാത്രിയോടെ ശിവഗിരിയിലെത്തിച്ചേരും. തീർഥാടനത്തിന് ഒരുദിവസം ശേഷിക്കേ ശിവഗിരിയിൽ വൻ തിരക്കാണ് അനുഭവപ്പെടുന്നത്.