ശംഖുംമുഖത്ത് ബീച്ച് കായികമേള സംഘടിപ്പിക്കുന്നു

തിരുവനന്തപുരം: നഗരസഭയുടെ ആഭിമുഖ്യത്തിൽ ശംഖുംമുഖത്തുവച്ച് 16 മുതൽ 19 വരെ ബീച്ച് കായികമേള സംഘടിപ്പിക്കുന്നു. മേളയുടെ ഭാഗമായി ബീച്ച് ഫുട്ബാൾ, ബീച്ച് വോളിബാൾ എന്നീ മത്സരങ്ങൾ നടക്കും. വൈകിട്ട് സംഘടിപ്പിക്കുന്ന മത്സരങ്ങൾ ഫ്ലെഡ് ലൈറ്റ് സൗകര്യത്തോടെയാണ് നടക്കുന്നത്. മത്സരത്തിൽ പങ്കെടുക്കാൻ ഉദ്ദേശിക്കുന്ന ടീമുകൾ നഗരസഭ വിദ്യാഭ്യാസ കായികകാര്യ സ്റ്റാൻഡിംഗ് കമ്മിറ്റി ഓഫീസിൽ 13ന് വൈകിട്ട് അഞ്ചിന് മുമ്പ് പേര് രജിസ്റ്റർ ചെയ്യണം. ഫുട്ബാളിൽ 5 കളിക്കാരും 5 സബ്സ്റ്റിറ്റ്യൂട്ട് ഉൾപ്പെടെ 10 പേരുടെ ടീമിനും വോളിബാൾ മത്സരത്തിൽ 6 കളിക്കാരും 6 സബ്സ്റ്റിറ്റ്യൂട്ട് ഉൾപ്പെടെ 12 പേർ ഉൾപ്പെടുന്ന ടീമുകൾക്കും രജിസ്റ്റർ ചെയ്യാം. ഫോൺ: 8281498372.