പൂവാർ: നിരവധി കേസിലെ പ്രതി കാറിൽ കടത്താൻ ശ്രമിച്ച എം.ഡി.എം.എയും വടിവാളുമായി എക്സൈസ് സംഘം പിടികൂടി. പുതിയതുറ ഉരിയരിക്കുന്ന് പുരയിടത്തിൽ ഡെനുവിനെയാണ് (31) തിരുപുറം എക്സൈസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ പിന്തുടർന്ന് പിടികൂടിയത്.
ഇന്നലെ രാവിലെ 11ഓടെ പുതിയതുറ ജംഗ്ഷന് സമീപം വച്ചാണ് ഡെനുവിനെ പിടിച്ചത്. തുടർന്ന് നടത്തിയ പരിശോധനയിൽ ഡെനുവിന്റെ കാറിൽ വടിവാൾ കണ്ടതിനെ തുടർന്ന് കാഞ്ഞിരംകുളം പൊലീസും സ്ഥലത്തെത്തി.
ഇയാളുടെ പക്കൽ നിന്നും കാറിലുമായി 5 ഗ്രാമിലധികം എം.ഡി.എം.എ പിടിച്ചെടുത്തു.വിഴിഞ്ഞം, കാഞ്ഞിരംകുളം സ്റ്റേഷനിൽ ഇയാൾക്കെതിരെ നിരവധി കേസുള്ളതായി പൊലീസ് പറഞ്ഞു
