തിരുവനന്തപുരം: ആറ്റുകാൽ പൊങ്കാല ദിവസം കെഎസ്ആർടിസിയുടെ 400 ബസുകൾ സർവീസ് നടത്തും. ഉത്സവം ആരംഭിക്കുന്ന 27 മുതൽ മാർച്ച് 8 വരെ 10 ഇലക്ട്രിക് ബസുകൾ ഉൾപ്പെടെ 30 ചെറു ബസുകൾ തമ്പാനൂർ, കിഴക്കേക്കോട്ട എന്നിവിടങ്ങളിൽ നിന്നു ക്ഷേത്രനട വരെ പ്രത്യേക സർവീസുകൾ നടത്തും.
മന്ത്രി കെ.രാധാകൃഷ്ണന്റെ അധ്യക്ഷതയിൽ അവലോകന യോഗത്തിൽ പ്രധാന ചുമതലകൾ വഹിക്കേണ്ട ഭക്ഷ്യ സുരക്ഷാ വകുപ്പ് ഒഴികെ മറ്റു വകുപ്പുകളെല്ലാം യോഗത്തിൽ പങ്കെടുത്തു.
ദേവസ്വം സ്പെഷൽ സെക്രട്ടറി എം.ജി.രാജമാണിക്യം, ജില്ലാ കലക്ടർ ജെറോമിക് ജോർജ്, സബ് കലക്ടർ ഡോ.അശ്വതി ശ്രീനിവാസ്, ക്ഷേത്ര ട്രസ്റ്റ് ചെയർമാൻ ഗീതാ കുമാരി, പ്രസിഡന്റ് അനിൽ കുമാർ, സെക്രട്ടറി കെ.ശിശുപാലൻ തുടങ്ങിയവർ പങ്കെടുത്തു.