തിരുവനന്തപുരം : ആറ്റുകാൽ പൊങ്കാലയ്ക്കുശേഷം നഗരം ശുചിയാക്കിയവരെ കോർപ്പറേഷൻ ആദരിച്ചു. മൂവായിരത്തോളം തൊഴിലാളികളും ശുചീകരണത്തിനു മേൽനോട്ടംവഹിച്ച ഉദ്യോഗസ്ഥരും പങ്കെടുത്തു.
മന്ത്രി വി.ശിവൻകുട്ടി ചടങ്ങ് ഉദ്ഘാടനം ചെയ്തു. മേയർ ആര്യാ രാജേന്ദ്രൻ, ഡെപ്യൂട്ടി മേയർ പി.കെ.രാജു, കളക്ടർ ജെറോമിക് ജോർജ്, പൊങ്കാല ഉത്സവത്തിന്റെ നോഡൽ ഓഫീസറായിരുന്ന സബ് കളക്ടർ ഡോ. അശ്വതി ശ്രീനിവാസ് സ്ഥിരംസമിതി അധ്യക്ഷൻമാർ, കൗൺസിലർമാർ തുടങ്ങിയവർ പങ്കെടുത്തു.
