പെരുമാതുറയിൽ നിരവധിപേർക്ക് നേരെ തെരുവുനായയുടെ ആക്രമണം

കഴക്കൂട്ടം:പെരുമാതുറ ഒറ്റപ്പനയിൽ തെരുവുനായയുടെ ആക്രമണത്തിൽ 4 സ്ത്രീകളടക്കം 8 പേർക്ക് കടിയേറ്റു. ഇന്നലെ വൈകിട്ട് നാലോടെയാണ് സംഭവം. ഒറ്റപന സ്വദേശിനികളായ നദിയ (23)​,​ സഫീന(40)​, ഹസീന(40)​,​ സൈനബ(65)​ നിസാർ (50), റാഫി(41)​ ബിലാൽ(20)​, നാസ്(50)​ എന്നിവർക്കാണ് കടിയേറ്റത്. ഒരാളുടെ പരിക്ക് ഗുരുതരമാണ്. ഇവരെ ആദ്യം സ്വകാര്യ ആശുപത്രിയിലും പിന്നീട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. വീടിന് പുറത്തു നിന്നവരെയാണ് തെരുവുനായ ആദ്യം ആക്രമിച്ചത്. തുടർന്ന് വഴിയിലുണ്ടായിരുന്നവരെയും ആക്രമിക്കുകയായിരുന്നു.