തിരുവനന്തപുരം: ഗതാഗത നിയമലംഘനങ്ങള്ക്ക് പിഴയീടാക്കാന് സ്ഥാപിച്ച എ.ഐ ക്യാമറ ആദ്യ ദിവസം കണ്ടെത്തിയത് 28,891 നിയമലംഘനങ്ങള്. തിങ്കളാഴ്ച രാവിലെ എട്ട് മണിമുതല് വൈകീട്ട് അഞ്ചു വരെയുള്ള കണക്കാണിത്.
ഏറ്റവും കൂടുതല് നിയമലംഘനങ്ങള് കണ്ടെത്തിയത് കൊല്ലം ജില്ലയിലാണ് (4,778 എണ്ണം). ഏറ്റവും കുറവ് മലപ്പുറത്തും (545 എണ്ണം).
തിരുവനന്തപുരം (4362), പത്തനംതിട്ട (1177), ആലപ്പുഴ (1288), കോട്ടയം (2194), ഇടുക്കി (1483), എറണാകുളം (1889), തൃശ്ശൂര് (3995), പാലക്കാട് (1007), കോഴിക്കോട് (1550), വയനാട് (1146), കണ്ണൂര് (2437), കാസര്കോട് (1040) എന്നിങ്ങനെയാണ് തിങ്കളാഴ്ച കണ്ടെത്തിയ റോഡിലെ നിയമലംഘനങ്ങള്