തിരുവനന്തപുരം : മെഡിക്കൽ കോളേജ് എസ്.എ.ടി. ആശുപത്രി വളപ്പിൽ കിടന്നുറങ്ങിയ യുവാവിനെ ക്രൂരമായി മർദിച്ച കേസിൽ മൂന്നുപേർ പിടിയിലായി.
കടയ്ക്കാവൂർ സ്വദേശി അജിത്ത് (44), ചിതറ ഐരക്കുഴി സ്വദേശി നവാസ് (44), നാലാഞ്ചിറ സ്വദേശി കുഞ്ഞുമോൻ(48) എന്നിവരെയാണ് മെഡിക്കൽ കോളേജ് പോലീസ് അറസ്റ്റുചെയ്തത്.പിടിയിലായവർ സുഹൃത്തുക്കളാണ്.
കഴിഞ്ഞ വെള്ളിയാഴ്ച വൈകീട്ട് പീടിയാട്രിക് ഒ.പി.യുടെ മുൻവശത്ത് കിടന്നുറങ്ങുകയായിരുന്ന വിളപ്പിൽശാല സ്വദേശി അനന്തു (18)വിനെയാണ് പ്രതികൾ മർദിച്ചത്. പോക്കറ്റിൽക്കിടന്ന അഞ്ഞൂറ് രൂപ പ്രതികൾ എടുത്തത് അനന്തു ചോദ്യംചെയ്ത വിരോധത്തിലായിരുന്നു മർദനം.
