തിരുവനന്തപുരം: കോവളത്ത് വന്‍ കഞ്ചാവ് വേട്ട.
കാറിന്റെ രഹസ്യഅറയില്‍ ഒളിപ്പിച്ച് കടത്തുകയായിരുന്ന 18 കിലോ കഞ്ചാവാണ് എക്സൈസ് സംഘം പിടികൂടിയത്.
സംഭവത്തില്‍ കാര്‍ ഡ്രൈവറായ ബീമാപ്പള്ളി സ്വദേശി അനീഫ് ഖാനെ അറസ്റ്റ് ചെയ്തു.
എക്സൈസ് സ്റ്റേറ്റ് എന്‍ഫോഴ്സ്മെന്റ് സ്‌ക്വാഡ് നടത്തിയ പരിശോധനയിലാണ് കഞ്ചാവ് കടത്ത് പിടികൂടിയത്.
കാറില്‍ പ്ലാറ്റ്ഫോമിനോട് ചേര്‍ന്ന് രഹസ്യഅറ നിര്‍മിച്ച് ഇതിനുള്ളിലാണ് കഞ്ചാവ് സൂക്ഷിച്ചിരുന്നത്. മത്സ്യവില്‍പ്പനയുടെ മറവിലാണ് അനീഫ് ഖാന്‍ കഞ്ചാവ് കച്ചവടം നടത്തിയിരുന്നതെന്നും എക്സൈസ് പറഞ്ഞു.
