കാട്ടാക്കട: കെ എസ് ആര്‍ ടി സി ബസിടിച്ച് പരിക്കേറ്റ് ചികിത്സയിലായിരുന്ന വയോധിക മരിച്ചു.
കൂവളശ്ശേരി കണിയാംവിള വീട്ടില്‍ എം ചന്ദ്രികയാണ് മരിച്ചത്. ഇക്കഴിഞ്ഞ 20 ന് രാവിലെ പത്ത് മണിയോടു കൂടി കോട്ടമുകളില്‍ വച്ചാണ് അപകടമുണ്ടായത്.
ചന്ദ്രിക മകനൊപ്പം ബൈക്കില്‍ സഞ്ചരിക്കവേ നെയ്യാറ്റിന്‍കരയില്‍ നിന്ന് കാട്ടാക്കട ഭാഗത്തേയ്ക്ക് പോകുകയായിരുന്ന കെ എസ് ആര്‍ ടി സി ബസ് പുറകില്‍ വന്ന് ഇടിക്കുകയായിരുന്നു.
ഇടിയുടെ ആഘാതത്തില്‍ തലയ്ക്കും വാരിയെല്ലിനും ക്ഷതമേറ്റ ചന്ദ്രികയെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരുന്നു. തീവ്ര പരിചരണ വിഭാഗത്തില്‍ ചികിത്സയിലിരിക്കെയാണ് മരണം.
