കിളിമാനൂർ : പേവിഷബാധയുടെ ലക്ഷണങ്ങളോടെ മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന യുവാവ് മരിച്ചു.
പാപ്പാല, കടമ്പ്രവാരം കോളനിയിൽ പൂവത്തൂർവീട്ടിൽ മോഹനന്റെയും നളിനിയുടെയും മകൻ അഖിൽ(30) ആണ് മരിച്ചത്.
ഒന്നിന്റെയും കടിയേറ്റതായും ആരോടും പറഞ്ഞിരുന്നില്ല. ഒരാഴ്ച മുൻപ് ശരീരത്തിൽ മുറിവുണ്ടായതിനെത്തുടർന്ന് കടയ്ക്കൽ ഗവ. ആശുപത്രിയിൽ ചികിത്സ തേടിയിരുന്നു. അവിടെനിന്നു മടങ്ങുംവഴിയാണ് രോഗലക്ഷണങ്ങൾ കാട്ടിത്തുടങ്ങിയത്.
തുടർന്ന് കടയ്ക്കൽ ആശുപത്രിയിലും പിന്നീട് തിരുവനന്തപുരം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. ചൊവ്വാഴ്ച രാത്രിയാണ് മരിച്ചത്. നായയുടെ കടിയേറ്റതാകാമെന്ന് സംശയിക്കുന്നു.
