വിതുര: വിതുര – ബോണക്കാട് റോഡിൽ കാട്ടാന ആക്രമണം. ദമ്പതികൾ സഞ്ചരിച്ച ബൈക്ക് കാട്ടാന തകർത്തു.
വെള്ളിയാഴ്ച വൈകിട്ട് 4.30 ഓടെയാണ് സംഭവം. ബോണക്കാട് സ്വദേശികളായ മനോജ്, ഭാര്യ സുജിത എന്നിവർ ഓടി രക്ഷപ്പെട്ടു.
വിതുരയിൽ നിന്നും ബോണക്കാടിലേക്ക് ബൈക്കിൽ പോകുകയായിരുന്നു ദമ്പതികൾ. കാണിത്തടം ചെക്പോസ്റ്റ് കഴിഞ്ഞ് രണ്ടാമത്തെ വളവിൽ വച്ചാണ് കാട്ടാനയെ കണ്ടത്.
ഉടനെ ബൈക്ക് നിര്‍ത്തി ഇവർ താഴേയ്ക്ക് ഓടി. കാട്ടാന പാഞ്ഞടുത്ത് ബൈക്ക് തുമ്പിക്കൈയ്യിൽ എടുത്തെറിഞ്ഞു. പിന്നീട് കാട്ടാന കാട്ടിലേക്ക് പോയി.
