തിരുവനന്തപുരം:ജില്ലയിൽ വെള്ളറട ഗ്രാമപഞ്ചായത്തിലെ കരിക്കാമൻകോഡ് വാർഡ് (വാർഡ് നമ്പർ 19) ഉപതിരഞ്ഞെടുപ്പിന്റെ ഭാഗമായി വോട്ടർ പട്ടിക ഒക്ടോബർ അഞ്ച് വരെ പുതുക്കാം. കരട് വോട്ടർ പട്ടിക സെപ്റ്റംബർ 20ന് പ്രസിദ്ധീകരിച്ചു.
വോട്ടർ പട്ടികയിൽ പേര് ചേർക്കുന്നതിനുള്ള അപേക്ഷകളും കരട് വോട്ടർ പട്ടികയുമായി ബന്ധപ്പെട്ട ആക്ഷേപങ്ങളും https://www.sec.kerala.gov.in ലൂടെ ഓൺലൈനായി സമർപ്പിക്കാവുന്നതാണ്. 2024 ജനുവരി ഒന്നിനോ അതിന് മുൻപോ 18 വയസ് പൂർത്തിയായവർക്ക് പേര് ചേർക്കാം. പ്രവാസികൾക്കും പേര് ചേർക്കാൻ ഓൺലൈനായി അപേക്ഷ നൽകാവുന്നതാണ്. ഇലക്ടറൽ രജിസ്‌ട്രേഷൻ ഓഫീസർമാർ തുടർനടപടികൾ സ്വീകരിച്ച് അപ്‌ഡേഷൻ ഒക്ടോബർ 18ന് പൂർത്തിയാക്കും.
അന്തിമ വോട്ടർ പട്ടിക ഒക്ടോബർ 19ന് പ്രസിദ്ധീകരിക്കും. വോട്ടർപട്ടിക പുതുക്കൽ നടപടികളുടെ ഭാഗമായി ഉപതിരഞ്ഞെടുപ്പ് ചുമതലയുള്ള ഉദ്യോഗസ്ഥരുടെ യോഗം തിരഞ്ഞെടുപ്പ് വിഭാഗം ഡെപ്യൂട്ടി കളക്ടർ അനിൽ സി.എസിന്റെ അധ്യക്ഷതയിൽ ചേർന്നു.
