ഓടിക്കൊണ്ടിരുന്ന കാറിനു തീപിടിച്ചു

മംഗലപുരം : തോന്നയ്ക്കൽ എ.ജെ. കോളേജിനുസമീപം ഓടിക്കൊണ്ടിരുന്ന കാറിനു തീപിടിച്ചു.

വെള്ളിയാഴ്ച രാവിലെയാണ് സംഭവം . കടയ്ക്കാവൂർ മണനാക്ക് ഷബ്‌നം മൻസിലിൽ സുഹൈലും സുഹൃത്തും സഞ്ചരിച്ച കാറിനാണ് തീപിടിച്ചത്.

ഇരുവരും തിരുവനന്തപുരത്തേക്കു പോകവേ എ.ജെ. കോളേജിനു സമീപം എത്തിയപ്പോൾ ഫോൺ വന്നതോടെ കാർ സൈഡിൽ ഒതുക്കി സംസാരിക്കുന്നതിനിടയിലാണ് കാറിൽനിന്നു പുക ഉയർന്നത് കണ്ടത്. തുടർന്ന് സുഹൈലും സുഹൃത്തും കാറിൽനിന്നു പുറത്തിറങ്ങിയതോടെ കാറിൽ തീ പടരുകയായിരുന്നു. കാർ പൂർണമായും കത്തി നശിച്ചു