വട്ടിയൂർക്കാവ് : കരമനയാറ്റിൽ കുളിക്കാനിറങ്ങിയ വിദ്യാർഥിയെ കാണാതായി.
വട്ടിയൂർക്കാവ് കൊടുങ്ങാനൂർ ശിവജി ലെയ്നിൽ വാടകയ്ക്കു താമസിക്കുന്ന സജിത്ത്-ജിജി ദമ്പതിമാരുടെ മകൻ അഭിനെയാണ് (14) കാണാതായത്.
പേരൂർക്കട കേന്ദ്രീയ വിദ്യാലയത്തിലെ ഒൻപതാം ക്ലാസ് വിദ്യാർഥിയാണ്. ചൊവ്വാഴ്ച വൈകീട്ട് അഞ്ചുമണിയോടെ കുലശേഖരം പാലത്തിനു താഴെ കരമനയാറ്റിലാണ് സംഭവം.
കൂട്ടുകാരനായ ഹരിയോടൊപ്പമാണ് അഭിൻ സ്ഥലത്തെത്തിയത്. കുളിക്കാനിറങ്ങിയ അഭിൻ ഒഴുക്കിൽപ്പെടുകയായിരുന്നു.
