തിരുവനന്തപുരം : ആറ്റുകാൽ ഭഗവതിക്ഷേത്രത്തിലെ പൊങ്കാല ഉത്സവം മാർച്ച് അഞ്ചിന് തുടങ്ങും.
14-ന് രാത്രി കുരുതി തർപ്പണത്തോടെ സമാപിക്കും. 13-നാണ് പൊങ്കാല. മാർച്ച് അഞ്ചിന് രാവിലെ 10-ന് കാപ്പുകെട്ടി കുടിയിരുത്തും.
ഉത്സവത്തിന്റെ മൂന്നാംദിവസമായ ഏഴിന് രാവിലെ 9.15-ന് കുത്തിയോട്ട വ്രതം, 13-ന് രാവിലെ 10.15-ന് പൊങ്കാല അടുപ്പിൽ തീപകരും. ഉച്ചയ്ക്ക് 1.15-ന് പൊങ്കാല നിവേദിക്കും. വൈകീട്ട് 7.45-ന് കുത്തിയോട്ട ബാലൻമാർക്ക് ചൂരൽകുത്ത്, രാത്രി 11.15-ന് ദേവിയെ പുറത്തെഴുന്നള്ളിക്കും. 14-ന് രാവിലെ 11-ന് ദേവിയെ അകത്തെഴുന്നള്ളിക്കും. രാത്രി 10-ന് കാപ്പഴിക്കും. പുലർച്ചെ ഒരുമണിക്ക് കുരുതിതർപ്പണത്തോടെ ഉത്സവം സമാപിക്കും
