വിഴിഞ്ഞം : വിഴിഞ്ഞം തുറമുഖത്തേക്ക് 26-ന് ചൈനയിൽ നിന്ന് പുതിയ ക്രെയിനെത്തും.
ചൈനയിലെ ഷെങ്ഹുവാ തുറമുഖത്ത് നിന്നെത്തുന്ന ജി.എച്ച്.ടി. മറൈനർ എന്ന കപ്പലിലാണ് യാർഡ് ക്രെയിനുകളിൽ ഒരെണ്ണവും കൂടി എത്തിക്കുക. ഇതോടെ തുറമുഖത്ത് ചരക്കുനീക്കത്തിന് ഉപയോഗിക്കുന്ന ക്രെയിനുകളുടെ എണ്ണം 32 ആകും.
തുറമുഖത്ത് അത്യാധുനിക സ്‌കാനർ ഉൾപ്പെട്ട സംവിധാനവും സജ്ജമാക്കി. തുറമുഖം കമ്മിഷനിങ് മുൻപായി സ്‌കാനർ സംവിധാനത്തിന്റെ ട്രയൽ റൺ ഉണ്ടാകും.
