തിരുവനന്തപുരം: പ്രതിദിന വിമാന സർവീസുകളുടെ എണ്ണത്തിൽ സെഞ്ചറി അടിച്ച് തിരുവനന്തപുരം രാജ്യാന്തര വിമാനത്താവളം.
ഡിസംബർ 17ന് 100 കൊമേഴ്സ്യൽ എയർ ട്രാഫിക് മൂവ്മെന്റുകൾ (എടിഎം) നടത്തിയാണ് തിരുവനന്തപുരം വിമാനത്താവളം പുതിയ നേട്ടത്തിലെത്തിയത്.
ഇന്ത്യയിലെ 11 നഗരങ്ങളിലേക്ക് 56 മൂവ്മെന്റുകളും 14 വിദേശ നഗരങ്ങളിലേക്ക് 44 മൂവ്മെന്റുകളുമാണ് 17നു നടത്തിയത്. ആകെ 15,354 പേർ ഈ സർവീസുകൾ പ്രയോജനപ്പെടുത്തി.
