തിരുവനന്തപുരം :പടിഞ്ഞാറേനട കൊത്തളം റോഡിലെ വാഴപ്പള്ളി ജംഗ്ഷന് സമീപം വാട്ടർ അതോറിറ്റിയുടെ 700എംഎം വ്യാസമുള്ള പൈപ്പ്‌ലൈനിലെ ചോർച്ച
പരിഹരിക്കുന്നതിനായി ജനുവരി 16 മുതൽ നടത്താൻ നിശ്ചയിച്ചിരുന്ന ജോലികൾ ചില സാങ്കേതിക കാരണങ്ങളാൽ ജനുവരി 18 ശനി രാവിലെ 8 മണി മുതൽ ജനുവരി 20 തിങ്കൾ രാവിലെ 8 മണി വരെ ചെയ്യുന്നതിനായി പുനർനിശ്ചയിച്ചിരിക്കുന്നു.
അറ്റകുറ്റപ്പണികൾ നടക്കുന്ന ദിവസങ്ങളിൽ വരാഹം, ഫോർട്ട്, ചാല, വള്ളക്കടവ്, പെരുന്താന്നി, കമലേശ്വരം എന്നീ വാർഡുകളിൽ പൂർണമായും തമ്പാനൂർ, പാൽക്കുളങ്ങര, ശംഖുമുഖം, മുട്ടത്തറ, ആറ്റുകാൽ, അമ്പലത്തറ, കളിപ്പാൻകുളം, വലിയതുറ, കുര്യാത്തി, മണക്കാട്, ചാക്ക, ശ്രീകണ്ഠേശ്വരം, വലിയശാല എന്നിവിടങ്ങളിൽ ഭാഗികമായും ശുദ്ധജല വിതരണം തടസ്സപ്പെടും. ഉപഭോക്‌താക്കൾ വേണ്ട മുൻകരുതലുകൾ സ്വീകരിക്കേണ്ടതാണെന്ന് വാട്ടർ അതോറിറ്റി അറിയിച്ചു.
