നെടുമങ്ങാട്: നെടുമങ്ങാട് – പനവൂർ റോഡിലെ ചുമടുതാങ്ങിയിൽ പാതയോരത്ത് നിന്ന തണൽമരം കടപുഴകി വീണു.
കാറിലും ഇലക്ട്രിക് പോസ്റ്റിലേക്കും പതിച്ചെങ്കിലും ആർക്കും പരുക്കില്ല. ഇന്ന് വൈകുന്നേരമായിരുന്നു സംഭവം.
ചുമട് താങ്ങി ജംഗ്ഷനിൽ നിന്നിരുന്ന മരം അപ്രതീക്ഷിതമായി റോഡിലേക്ക് വീണ് അതുവഴിയെത്തിയ കാർ തകർന്നു. യാത്രക്കാർ പരിക്കില്ലാതെ രക്ഷപ്പെട്ടു.
അഞ്ചോളം ഇലട്രിക് പോസ്റ്റുകളാണ് അപകടത്തിൽ ചെരിഞ്ഞത്. ഒരെണ്ണം തകരുകയും ചെയ്തു. ഈ സമയത്ത് റോഡിൽ മറ്റാരുമുണ്ടായിരുന്നില്ല. അതിനാൽ അപകടം ഒഴിവായി.
ഫയർഫോഴ്സും നാട്ടുകാരും ചേർന്ന് വളരെ പണിപ്പെട്ടാണ് റോഡ് ഗതാഗതം പുനസ്ഥാപിച്ചത്.
