പട്ടത്ത് ഓട്ടോയും ബൈക്കും കാറും കൂട്ടിയിടിച്ച് അപകടം; ഓട്ടോയ്ക്ക് തീപിടിച്ച് ഒരാൾ മരിച്ചു

തിരുവനന്തപുരം : പട്ടത്ത് ഓട്ടോയും ബൈക്കും കാറും കൂട്ടിയിടിച്ചതിനു പിന്നാലെ ഓട്ടോയ്ക്ക് തീപിടിച്ച് ഒരാൾ മരിച്ചു.

ഓട്ടോയിലുണ്ടായിരുന്ന സുനി (40) ആണ് മരിച്ചത്. ഞായറാഴ്ച പുലർച്ചെ 3.30ന് പട്ടം സെന്റ് മേരീസ് ഹയർ സെക്കൻഡറി സ്കൂളിനു മുന്നിലായിരുന്നു അപകടം. പരുക്കേറ്റ 4 പേരെ മെഡിക്കൽ കോളജ് ആശുപത്രിയിലേക്ക് മാറ്റി.

നിയന്ത്രണം വിട്ട കാറാണ് ബൈക്കിലും ഓട്ടോയിലും ഇടിച്ചത്. ശ്രീകാര്യം സ്വദേശി അയാൻ ആണ് കാർ ഓടിച്ചിരുന്നത്.