തിരുവനന്തപുരം:മേൽപ്പാല നിർമ്മാണവുമായി ബന്ധപ്പെട്ട് ഈഞ്ചക്കൽ ഭാഗത്ത് 02.08.2025 തീയതി മുതൽ 09.08.2025 തീയതി വരെ രാത്രി 11 മണി മുതൽ രാവിലെ 5 മണി വരെ പണി നടക്കുന്നതിനാൽ ഗതാഗത ക്രമീകരണങ്ങൾ ഏർപ്പെടുത്തിയിരിക്കുന്നു.
കോവളം ഭാഗത്തു നിന്നും കഴക്കൂട്ടം ഭാഗത്തേക്ക് പോകൂന്ന വാഹനങ്ങൾ തിരുവല്ലം – അമ്പലത്തറ – അട്ടക്കുളങ്ങര – സ്റ്റാച്യു- വി.ജെ.റ്റി- പാറ്റൂർ – ചാക്ക വഴി ബൈപ്പാസ് റോഡിലെത്തി പോകേണ്ടതാണ്.
കഴക്കൂട്ടം ഭാഗത്തു നിന്നും കോവളം ഭാഗത്തേക്ക് പോകൂന്ന വാഹനങ്ങൾ ചാക്ക സർവ്വീസ് റോഡു വഴി പേട്ട – പാറ്റൂർ – ആശാൻ സ്ക്വയർ- പാളയം -സ്റ്റാച്യൂ – അട്ടകുളങ്ങര – മണക്കാട് – തിരുവല്ലം വഴി പോകേണ്ടതാണ്.
കിള്ളിപ്പാലം- പവർഹൗസ് റോഡ് ഭാഗത്ത് നിന്നും ഈഞ്ചക്കൽ വഴി കഴക്കൂട്ടം ഭാഗത്തേക്ക് പോകുന്ന വാഹനങ്ങൾ ചൂരക്കാട്ടു പാളയം – തമ്പാനൂർ – പനവിള- ആശാൻ സ്ക്വയർ – പാറ്റൂർ – ചാക്ക വഴിയോ, ശ്രീ കണ്ഠേശ്വരം – ഉപ്പിടാമൂട് – പേട്ട – ചാക്ക വഴിയോ ബൈപ്പാസ് റോഡിലെത്തി പോകേണ്ടതാണ്.
കോവളം ഭാഗത്തു നിന്നും എയർപ്പോർട്ടിലേക്കു വരുന്ന ചെറിയ വാഹനങ്ങൾ കുമരിച്ചന്ത പരിത്തിക്കുഴി സർവ്വീസ് റോഡ് വഴി കല്ലുമൂട് – വലിയതുറ ശംഖുമുഖം റോഡിലേക്ക് തിരിഞ്ഞു പോകേണ്ടതാണ്.
അട്ടക്കുളങ്ങര ഭാഗത്തു നിന്നും ചാക്ക ഭാഗത്തേക്കും പോകുന്ന കാർ ഉൾപ്പടെയുള്ള ചെറിയ വാഹനങ്ങൾ വാഴപ്പള്ളി- ശ്രീകണ്ഠേശ്വരം – ഉപ്പിടാമൂട് – നാലുമുക്ക് – പേട്ട – ചാക്ക വഴിയും പോകേണ്ടതാണ്.
* തിരുവനന്തപുരം സിറ്റി പോലീസിന്റെ മേൽ പറഞ്ഞ ഗതാഗത ക്രമീകരണങ്ങളോട് പൊതുജനങ്ങൾ സഹകരിക്കേണ്ടതാണ്.
ഗതാഗത ക്രമീകരണങ്ങളുടെ വിവരങ്ങൾ അറിയുന്നതിലേക്ക് 0471-2558731, 9497990005 എന്നീ ഫോൺ നമ്പരുകളിൽ ബന്ധപ്പെടാവുന്നതാണ്.
