തിരുവനന്തപുരം : കെഎസ്ആര്ടിസി ഡ്രൈവര് നേമം സ്വദേശി യദുവിനെ ആക്രമിച്ചെന്ന കേസില് മേയര് ആര്യ രാജേന്ദ്രന്, ബാലുശ്ശേരി എംഎല്എ സച്ചിന് ദേവ്, മേയറുടെ സഹോദരന് കെ.എം. അരവിന്ദിന്റെ ഭാര്യ ആര്യ എന്നിവരെ ഒഴിവാക്കി പൊലീസ് കുറ്റപത്രം സമര്പ്പിച്ചു. അരവിന്ദ് മാത്രമാണ് നിലവില് പ്രതി.
യദു നല്കിയ സ്വകാര്യ ഹര്ജി പരിഗണിച്ച് കോടതി നിര്ദ്ദേശിച്ചത് അനുസരിച്ചാണ് കേസ് എടുത്തത്. തിരുവനന്തപുരം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് കേസ് പരിഗണിക്കുന്നത്. മേയറെ പ്രതി ചേര്ക്കണം എന്ന് ആവശ്യപ്പെട്ട് യദു വീണ്ടും കോടതിയില് അപേക്ഷ നല്കിയിട്ടുണ്ട്.
2024 ഏപ്രില് 27ന് രാത്രി പാളയത്തു വച്ച് മേയറും ഭര്ത്താവും അടക്കമുളളവര് സഞ്ചരിച്ചിരുന്ന സ്വകാര്യ വാഹനം ഉപയോഗിച്ച് കെഎസ്ആര്ടിസി ബസ് തടയുകയും ഡ്രൈവറുമായി വാക്ക് തര്ക്കം ഉണ്ടായി എന്നുമാണ് കേസ്. ഹര്ജിക്കാരന് വേണ്ടി അഡ്വക്കറ്റ് അശോക്. പി. നായര് ഹാജരായി.
