തിരുവനന്തപുരം: വിഴിഞ്ഞത്ത് ഹോട്ടലിൽ നിന്ന് ഭക്ഷണം കഴിച്ച രണ്ട് പേര് മരിച്ചു.
നിലമേലില് ദേഹാസ്വസ്ഥ്യം ഉണ്ടായതിനെ തുടര്ന്ന് ചികിത്സതേടിയ രണ്ടുപേരാണ് മരിച്ചത്.
ഭക്ഷ്യവിഷ ബാധയെന്ന് ബന്ധുക്കൾ ആരോപിച്ചു. നിലമേല് പ്ലാച്ചിയോട് കുന്നില് വീട്ടില് റഷീദ ബീവി (58), മരുമകന് ഷാജി(48) എന്നിവരാണ് മരിച്ചത്.
റഷീദ ബീവിയുടെ മകള് സജി മോള് പാരിപ്പള്ളി മെഡിക്കല് കോളേജ് ആശുപത്രിയില് ചികിത്സയില് തുടരുകയാണ്. ഇവരുടെ നില മെച്ചപ്പെട്ടു. ഇവര് കഴിഞ്ഞദിവസം വിഴിഞ്ഞത്തെ ഒരു റസ്റ്റോറന്റില് നിന്നും ഭക്ഷണം കഴിച്ചിരുന്നു.
മടങ്ങും വഴി ദേഹാസ്വാസ്ഥ്യവും ചര്ദ്ദിയും അനുഭവപ്പെട്ടതോടെ ചികിത്സ തേടുകയായിരുന്നു. വിഴിഞ്ഞത്ത് നിന്നും മീന് വിഭവങ്ങളാണ് അഞ്ചംഗ സംഘം കഴിച്ചത്. ബന്ധുക്കളുടെ ആരോപണത്തിന് പിന്നാലെ ഹോട്ടല് പൊലീസ് ഇടപെട്ട് അടപ്പിച്ചു. ഭക്ഷ്യസുരക്ഷാ വകുപ്പ് പരിശോധന നടത്തും.
