തിരുവനന്തപുരം : സംസ്ഥാന യുവജന കമ്മിഷന് അധ്യക്ഷ ഡോ.ചിന്താ ജെറോമിന്റെ ഗവേഷണ പ്രബന്ധം സംബന്ധിച്ച വിവാദത്തില് ഗൈഡ് ഡോ. പി.പി.അജയകുമാറിനോട് കേരള സര്വകലാശാല വിശദീകരണം തേടി. ബുധനാഴ്ച വൈസ് ചാന്സലര് മടങ്ങിയെത്തിയാല് പ്രബന്ധം പരിശോധിക്കാന് വിദഗ്ധ സമിതിയെ നിയോഗിക്കുന്നതില് തീരുമാനമുണ്ടാകുമെന്നാണ് സൂചന.
ചിന്തയുടെ പ്രബന്ധം സംബന്ധിച്ചു ലഭിച്ച പരാതികള് വിസിക്ക് കൈമാറിയ ഗവര്ണര് ആരിഫ് മുഹമ്മദ് ഖാന് വിഷയത്തില് റിപ്പോര്ട്ട് തേടിയിട്ടുണ്ട്. വിസി സ്ഥലത്തില്ലാത്തതിനാല് രജിസ്ട്രാര് പ്രാഥമിക വിവരശേഖരണം ആരംഭിച്ചു.
