Tag: Crime

തിരുവനന്തപുരം: ചാക്ക പഞ്ചാബി കോളനിയിലെ ആൾ പാർപ്പില്ലാത്ത വീട് കേന്ദ്രീകരിച്ച കഞ്ചാവ് വിൽപ്പന നടത്തിവന്ന സംഘത്തിലെ ഒരാളെ കൂടി പോലീ പോലീസ് പിടികൂടി. വേളി ബാല നഗർ പുതുവൽ പുത്തൻ വീട്ടിൽ മിതിൻ ജോൺ (27) നെയാണ് പേട്ട പോലീസ് അറസ്റ്റ് ചെയ്തത്.

മാരകായുധങ്ങളുമായി സംഘം ചേർന്ന് മയക്കു മരുന്ന് കച്ചവടം നടത്തുന്നതായുള്ള രഹസ്യ വിവരത്തിന്റെ അടിസ്ഥാനത്തിൽ ഫെബ്രുവരി 18 ന് പോലീസ് നടത്തിയ പരിശോധനയിൽ വെട്ടുകത്തി, മഴു, കത്തി, കഞ്ചാവ് എന്നിവയുമായി ചാക്ക കമ്പിക്കകം സ്വദേശി അനുലാൽ(29) നെ പോലീസ് പിടികൂടിയിരുന്നു.

അന്ന് ഓടി രക്ഷപ്പെട്ട് ഒളിവിൽ പോയ പ്രതികളിൽ ഒരാളാണ് മിതിൻ ജോൺ. ഈ കേസിലെ മറ്റു പ്രതികൾക്കായി അന്വേഷണം ഉർജ്ജിതപ്പെടുത്തിയിട്ടുണ്ട്. പേട്ട പോലീസ് സ്റ്റേഷനിലെ പ്രത്യേക അന്വേഷണ സംഘമാണ് പ്രതിയെ അറസ്റ്റ് ചെയ്തത്.

വർക്കല: ഇടവയിൽ സ്കൂട്ടര്‍ തടഞ്ഞുനിര്‍ത്തി ദമ്പതികളെ ആക്രമിച്ച കേസിലെ പ്രതി അറസ്റ്റിൽ. ചെമ്മരുതി സ്വദേശി സുജിത്തിനെയാണ് അയിരൂര്‍ പൊലീസ് അറസ്റ്റ് ചെയ്തത്.

ഈ മാസം അഞ്ചിന് രാത്രി ഏഴിന് ഇടവ അംബേദകര്‍ കോളനിർ സ്വദേശി രമേശനേയും ഭാര്യ സുലേഖയേയും സ്കൂട്ടര്‍ തടഞ്ഞുനിര്‍ത്തി സുഹൃത്ത് സുജിത്ത് ആക്രമിച്ചത്. സുഹൃത്ത് സ്കൂട്ടര്‍ ഓടിക്കാൻ ചോദിച്ചിട്ടും നൽകാത്തതിലെ വിരോദമാണ് ആക്രമണത്തിന് കാരണം.

ചെമ്മരുതി മുട്ടപ്പാലം അച്ചുതൻ മുക്കിൽ സ്കൂട്ടര്‍ തടഞ്ഞുനിര്‍ത്തിയ ശേഷം ബിയര്‍ കുപ്പികൊണ്ട് രമേശന്‍റെ മുഖത്തടിച്ചായിരുന്നു ആക്രമണം. കണ്ണിൽ ചോരയൊലിച്ച് നിലത്തുവീണ രമേശനെ സുജിത്ത് അസഭ്യം പറയുകയും നിലത്തിട്ട് ചവിട്ടുകയും ചെയ്തു.

സംഭവങ്ങൾക്ക് ദൃക്സാക്ഷിയായ രമേശന്‍റെ ഭാര്യ സുലേഖ ബോധരഹിതയായി. നാട്ടുകാര്‍ വിവരം അറിയിച്ച് പൊലീസ് എത്തിയാണ് ഇരുവരേയും ആശുപത്രിയിലാക്കിയത്.

തിരുവനന്തപുരം: ചെങ്കോട്ടുകോണത്ത് പ്ലസ് വൺ വിദ്യാർത്ഥിനിയെ മർദ്ദിച്ച സംഭവത്തിൽ രണ്ട് പേർ അറസ്റ്റിൽ. പിരപ്പൻകോട് സ്വദേശി അരുൺപ്രസാദ്, കാട്ടായിക്കോണം സ്വദേശി വിനയൻ എന്നിവരാണ് പിടിയിലായത്.

ഇന്നലെയാണ് സ്കൂൾ വിട്ട് വീട്ടിലേക്ക് മടങ്ങുകയായിരുന്ന വിദ്യാർത്ഥിനിയെ ഇവർ മർദിച്ചത്. പെൺകുട്ടി മുടിവെട്ടിയ രീതിയെയും വസ്ത്രധാരണത്തെയും സംഘം പരിഹസിച്ചു. എന്നാൽ സംഘത്തെ പെൺകുട്ടി എതിർത്തതോടെയാണ് റോഡിൽ വലിച്ചു തള്ളിയിട്ടു മർദിച്ചത്.

പെൺകുട്ടിയാണെന്ന് തിരിച്ചറിഞ്ഞിട്ടും ഇവർ മർദിച്ചു. നാല് പേരാണ് കേസിൽ പ്രതികൾ. ആക്രമണത്തിൽ ചെവിക്കും നെഞ്ചിനും വയറിനും പരിക്കേറ്റ പെൺകുട്ടി ചികിത്സയിലാണ്.

തിരുവനന്തപുരം: കൊലപാതക കേസിലെ പ്രതിയെ പോലീസ് പിടികൂടി.വട്ടിയൂർക്കാവ്, കാഞ്ഞിരംപാറ, ചാത്രമൂല,വസന്ത ഭവനിൽ രമേശ് (53) നെയാണ് വട്ടിയൂർക്കാവ് പോലീസ് അറസ്റ്റ് ചെയ്തത്.

2022- ൽ വട്ടിയൂർക്കാവ് കുന്നിൽ സൂപ്പർ മാർക്കറ്റിന് സമീപം വെച്ച് അക്ഷയ് എന്ന യുവാവ് മർദ്ദനമേറ്റ് മരണപ്പെട്ട കേസിലാണ് ഇയാളെ പോലീസ് അറസ്റ്റ് ചെയ്തത്.കേസിൽ ഉൾപ്പെട്ട മറ്റു രണ്ടു പേരെ പോലീസ് നേരത്തെ പിടികൂടിയിരുന്നു.തുടർന്ന് പോലീസ് നടത്തിയ അന്വേഷണത്തിൽ ഇയാളും പ്രതിയാണെന്ന് കണ്ടെത്തിയതിനെ തുടർന്നാണ് രമേശിനെ പോലീസ് അറസ്റ്റ് ചെയ്തത്.

വട്ടിയൂർക്കാവ് എസ്.എച്ച്.ഓ അജേഷ്,എസ് ഐ മാരായ അരുൺ പ്രസാദ്, ഹരികുമാർ , ബൈജു, ജോൺ , സി.പി.ഒ സൈജു എന്നിവർ ഉൾപ്പെട്ട പോലീസ് സംഘമാണ് അന്വേഷണത്തിനും അറസ്റ്റിനും ഉണ്ടായിരുന്നത്.