Tag: Death

തിരുവനന്തപുരം: പ്രവാസി മലയാളി യുവാവ് ഒമാനില്‍ ബാഡ്‍മിന്റണ്‍ കളിക്കുന്നതിനിടെ കുഴഞ്ഞുവീണ് മരിച്ചു.   ശ്രീകാര്യം ബാപ്പുജി നഗറില്‍ പാരിജാതം വീട്ടിൽ പ്രശോഭ് മോഹൻ (38) ആണ് മരിച്ചത്. 2008 മുതൽ ഒമാനിലുള്ള പ്രശോഭ് സിവിൽ എൻജിനിയറായി ജോലി ചെയ്തുവരികയായിരുന്നു.കഴിഞ്ഞ ദിവസം വൈകുന്നേരം ഗുബ്രയിലെ റെസിഡൻഷ്യൽ കോമ്പൗണ്ടിൽ ബാഡ്‍മിന്റൺ  കളിക്കുന്നതിനിടെ ഹൃദയാഘാതം സംഭവിച്ചതിനെ തുടര്‍ന്നായിരുന്നു അന്ത്യം. ഭാര്യ – ലീന പ്രശോഭ്. മക്കൾ – ഇഷാനി, തന്മയ

കല്ലമ്പലം: അഞ്ചു മാസം മുന്‍പ് വിവാഹിതയായ യുവതിയെ ഭർതൃവീട്ടിൽ തൂങ്ങിമരിച്ച നിലയിൽ കണ്ടെത്തി. കല്ലമ്പലം സ്വദേശിനിയായ ജന്നത്തിനെയാണ് കൊല്ലം കുമ്മിളിലെ ഭര്‍തൃവീട്ടില്‍ മരിച്ച നിലയില്‍ കണ്ടെത്തിയത്. ഇന്നലെ രാത്രിയായിയിരുന്നു പത്തൊന്‍പതുകാരിയായ ജന്നത്തിന്റെ മരണം. കുമ്മിള്‍ പഞ്ചായത്തിലെ വട്ടതാമര വാര്‍ഡില്‍ താമസിക്കുന്ന മണ്ണൂർവിളാകത്ത് വീട്ടിൽ റാസിഫിന്റെ ഭാര്യയാണ്.കല്ലമ്പലം സ്വദേശിനിയായ ജന്നത്തും റാസിഫും കഴിഞ്ഞ ജൂലൈ 24ന് ആണു വിവാഹിതരായത്. രണ്ടുമാസം മുന്‍പ് റാസിഫ് വിദേശത്തേക്ക് പോയി

തിരുവനന്തപുരം:  കടലിൽ കാണാതായവരുടെ മൃതദേഹം കണ്ടെത്തി. കണിയാപുരം സ്വദേശികളായ ശ്രേയസ് (17) സാജിദ് (19) എന്നിവരാണ് മരിച്ചത്. പെരുമാതുറ പുതുക്കുറിച്ചി എന്നിവിടങ്ങളിൽ നിന്നുമാണ് മൃതദ്ദേഹങ്ങൾ കണ്ടെത്തിയത്.ക്രിസമസ് ദിനത്തിൽ വൈകിട്ട് ആറു മണിയോടെയാണ് യുവാക്കളെ കടലിൽ കുളക്കുന്നതിനിടെ കാണാതായത്. കഠിനം കുളം അഞ്ചുതെങ്ങ് കോസ്റ്റൽ പൊലീസ് ഇവർക്കായുള്ള തെരച്ചിൽ നടത്തി വരികയായിരുന്നു. അപ്രതീക്ഷിതമായ തിരയിൽപ്പെട്ടാണ് ഇരുവരേയും കാണാതാത്.

കിളിമാനൂർ: കിളിമാനൂരിൽ വീട്ടമ്മയെ റബ്ബര്‍തോട്ടത്തില്‍ തൂങ്ങിമരിച്ച നിലയില്‍ കണ്ടെത്തി. കിളിമാനൂർ , ഊമൺപള്ളിക്കര, പുഷ്പനിലയത്തിൽ എസ് എസ് അജിലി (45)ആണ് മരിച്ചത്.തിങ്കളാഴ്ച ഉച്ചയോടെ അജിലിയുടെ കുടുംബവീട് സ്ഥിതിചെയ്യുന്ന കിളിമാനൂർ പാങ്ങൽതടത്തിലുള്ള റബ്ബർതോട്ടത്തിലാണ് മൃതദേഹം തൂങ്ങിനിൽക്കുന്ന നിലയിൽ നാട്ടുകാർ കണ്ടെത്തുന്നത്.ഞായറാഴ്ച ഭർതൃവീട്ടിൽ നിന്ന് അജിലിയെ രാവിലെ പതിനൊന്ന് മണിയോടെ കാണാതായതായി ഭർതൃവീട്ടുകാർ കിളിമാനൂർ പൊലീസിൽ പരാതിപ്പെട്ടിരുന്നു. ഇതിനിടയിലാണ് മൃതദേഹം കണ്ടെത്തുന്നത്.കിളിമാനൂർ പൊലീസ് കേസെടുത്തു.

തിരുവനന്തപുരം: ക്രിസ്മസ് ആഘോഷത്തിനിടെ കടലിൽ വീണ് ഒരാൾ മരിച്ചു. മൂന്നുപേരെ കാണാതാവുകയും ചെയ്തു. തുമ്പയിലെ കടലിൽ കുളിക്കാൻ ഇറങ്ങിയ തുമ്പ ആറാട്ട് വഴി സ്വദേശി ഫ്രാങ്കോയാണ് മരിച്ചത്. ഉച്ചയ്ക്ക് ഇയാളെ കാണാതാവുകയും പിന്നീട് മൃതദേഹം കണ്ടെത്തുകയുമായിരുന്നു. 38 വയസ്സായിരുന്നു. കടലിൽ പോയ ഫ്രാങ്കോയെ മത്സ്യത്തൊഴിലാളികൾ രക്ഷപ്പെടുത്തി ആശുപത്രി എത്തിച്ചെങ്കിലും ജീവന്‍ രക്ഷിക്കാനായില്ല.പുത്തൻ തോപ്പ് സ്വദേശി 16 കാരനായ ശ്രേയസ്, കണിയാപുരം സ്വദേശിയായ 19 കാരന്‍ സാജിദ് എന്നിവരെയാണ് പുത്തന്‍തോപ്പിലെ കടൽത്തീരത്ത് നിന്നും കാണാതായത്. അഞ്ചുതെങ്ങിൽ മാമ്പള്ളി സ്വദേശി സാജൻ ആന്റണി (34) യെയാണ് അഞ്ചുതെങ്ങിലെ കടൽ തീരത്ത് നിന്നും കാണാതായത്

വട്ടിയൂര്‍ക്കാവ്; മാൻഹോളിൽ ഇറങ്ങിയ മലയാളി യുവാവ് വിഷ വാതകം ശ്വസിച്ച് മരിച്ചു. റിയാദിൽ ഉണ്ടായ സംഭവത്തിൽ  വട്ടിയൂര്‍ക്കാവ് സ്വദേശി രാജേഷ് (35) ആണ് മരിച്ചത്. ടാങ്കര്‍ ലോറി ഡ്രൈവറായ ഇദ്ദേഹം മാന്‍ഹോളില്‍ വീണ പൈപ്പിന്റെ ഹോസ് എടുക്കാന്‍ ഇറങ്ങിയതാണെന്ന് കരുതുന്നു.മൊബൈല്‍ ഫോണും ഫോണും വാച്ചും പുറത്ത് അഴിച്ചു വെച്ചാണ് മാന്‍ഹോളില്‍ ഇറങ്ങിയത്. സമീപത്ത് മറ്റാരും ഉണ്ടായിരുന്നില്ല. കെട്ടിടത്തിലെ സെക്യൂരിറ്റി ജീവനക്കാരാണ് ഇദ്ദേഹത്തെ മരിച്ച നിലയില്‍ കണ്ടെത്തിയത്