തിരുവനന്തപുരം :തിരുവനന്തപുരം മെഡിക്കല്‍ കോളേജ് ആശുപത്രി ജീവനക്കാരെ നാലംഗ സംഘം മര്‍ദിച്ചു. എക്സ്റേ എടുക്കുന്നതിനെ ചൊല്ലിയുണ്ടായ തര്‍ക്കമാണ് അക്രമത്തില്‍ കലാശിച്ചത്. സംഭവത്തില്‍ മൂന്നു പേരെ മെഡിക്കല്‍ കോളജ് പോലീസ് അറസ്റ്റ് ചെയതു. ഇവരെ കോടതി റിമാന്‍ഡ് ചെയ്തു.ഇന്നലെ പുലര്‍ച്ചെ രണ്ടോടെയാണ് സംഭവം. കൈക്ക് പരുക്കേറ്റ ആളുമായി എത്തിയതായിരുന്നു നാലംഗ സംഘം. ഡോക്ടര്‍ രോഗിയുടെ എക്സ്റേ എടുക്കാന്‍ നിര്‍ദ്ദേശിച്ചതിനെ തുടര്‍ന്ന് എക്സ്റേ റൂമില്‍ എത്തിയപ്പോള്‍ താമസമുണ്ടാകുമെന്ന് ജീവനക്കാര്‍ ്അറിയിച്ചതോടെയാണ് വാക്കേറ്റമുണ്ടായത്. പിന്നാലെ എക്സ്റേ യൂണിറ്റ് മുറിയില്‍ അതിക്രമിച്ച് കയറിയ പ്രതികള്‍ രണ്ടു വനിത ജീവനക്കാരെ മര്‍ദിക്കുകയും, തടയാന്‍ ശ്രമിച്ച റേഡിയോളജിസ്റ്റ് ട്രെയിനിയായ വിഷ്ണുവിനെ ആക്രമിക്കുകയുമായിരുന്നു.മെഡിക്കല്‍ കോളജ് അധികൃതരുടെ പരാതിയില്‍ സുജിത്ത്, സന്തു, അനീഷ് എന്നിവരെ മെഡിക്കല്‍ കോളജ് പോലീസ് അറസ്റ്റു ചെയ്തു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു
