തിരുവനന്തപുരം : സ്മാർട്ട് സിറ്റി പദ്ധതിയുമായി ബന്ധപ്പെട്ട പണികൾ നടക്കുന്നതിനാൽ വെള്ളിയാഴ്ച രാവിലെ 10 മണി മുതൽ ശനിയാഴ്ച രാവിലെ 10 വരെ നഗരത്തിന്റെ പ്രധാന ഭാഗങ്ങളിൽ കുടിവെള്ളവിതരണം തടസ്സപ്പെടും.
വെള്ളയമ്പലം, ശാസ്തമംഗലം, കവടിയാർ, പൈപ്പിന്മൂട്, ഊളൻപാറ, നന്തൻകോട്‌, ജവഹർനഗർ, ആൽത്തറ, സി.എസ്.എം. നഗർ, വഴുതയ്ക്കാട്, കോട്ടൺഹിൽ, ഡി.പി.ഐ. ജങ്‌ഷന്റെ സമീപപ്രദേശങ്ങൾ, ഇടപ്പഴഞ്ഞി, കെ.അനിരുദ്ധൻ റോഡ്, ജഗതി, തൈക്കാട്, മേട്ടുക്കട, വലിയശാല, പാളയം, സ്റ്റാച്യു, എം.ജി.റോഡ്, സെക്രട്ടേറിയറ്റ്, പുളിമൂട് തുടങ്ങിയ പ്രദേശങ്ങളിലാണ് ജലവിതരണം തടസ്സപ്പെടുന്നത്.
എ.കെ.ജി. സെന്ററിനു സമീപപ്രദേശങ്ങൾ, പി.എം.ജി., ലോ കോളേജ്, കുന്നുകുഴി, ജനറൽ ഹോസ്പിറ്റൽ, തമ്പുരാൻമുക്ക്, വഞ്ചിയൂർ, ഋഷിമംഗലം, ചിറകുളം, പാറ്റൂർ, കുമാരപുരം, അണമുഖം, കണ്ണമ്മൂല, തേക്കുംമൂട്, പൊട്ടക്കുഴി, മുറിഞ്ഞപാലം, പൂന്തി റോഡ്, നാലുമുക്ക്, ഒരുവാതിൽക്കോട്ട, ആനയറ, കടകംപള്ളി, കരിക്കകം, വെൺപാലവട്ടം, പേട്ട, പാൽക്കുളങ്ങര, പെരുന്താന്നി, ചാക്ക, ഓൾ സൈന്റ്‌സ്, ശംഖുംമുഖം, വേളി, പൗണ്ട് കടവ്, സൗത്ത് തുമ്പ എന്നി പ്രദേശങ്ങളിലാണ് ജലവിതരണം തടസ്സപ്പെടുന്നത്.
സ്മാർട്ട് സിറ്റി പദ്ധതിപ്രവർത്തനങ്ങളുടെ ഭാഗമായി പഴക്കമേറിയ 450 എം.എം. കാസ്റ്റ് അയൺ പൈപ്പ്‌ലൈൻ ഡി കമ്മിഷൻ ചെയ്യൽ, ജനറൽ ആശുപത്രി-വഞ്ചിയൂർ റോഡിൽ 300 എം.എം. ഡി.ഐ. പൈപ്പ്, മെയിൻ റോഡിലെ 500 എം.എം. കാസ്റ്റ് അയൺ പൈപ്പുമായി ബന്ധിപ്പിക്കൽ, ജനറൽ ആശുപത്രിയിലേക്കുള്ള വിതരണം മെച്ചപ്പെടുത്തൽ എന്നീ പണികൾ നടത്തുന്നതിനാലാണ് ജലവിതരണം തടസ്സപ്പെടുന്നത്.
ഉപഭോക്താക്കൾ വേണ്ട മുൻകരുതൽ സ്വീകരിക്കണമെന്ന് ജല അതോറിറ്റി അധികൃതർ അറിയിച്ചു.
