തിരുവനന്തപുരം:ഓണാഘോഷത്തിൽ പങ്കാളികളാകുന്നതിനൊപ്പം ജനാധിപത്യ പ്രക്രിയയിലും അണിചേരാം. തിരുവനന്തപുരം കനകക്കുന്നിലെ ഓണം ട്രേഡ് ഫെയർ വേദിയിൽ എത്തുന്നവർക്ക് ആധാർ
വോട്ടർ പട്ടികയുമായി ബന്ധിപ്പിക്കാൻ പ്രത്യേക സൗകര്യം ഒരുക്കിയിട്ടുണ്ട്. തിരഞ്ഞെടുപ്പ് കമ്മീഷൻ കനകക്കുന്നിൽ സജ്ജീകരിച്ചിട്ടുള്ള പവലിയനിൽ എത്തി ആധാർ
വോട്ടർ ഐഡിയുമായി ബന്ധിപ്പിക്കാവുന്നതാണ്. രാവിലെ 10 മുതൽ രാത്രി 10 വരെയാണ് പവലിയൻ പ്രവർത്തിക്കുക. ഓണം വാരാഘോഷം സമാപിക്കുന്ന ഈ മാസം 12 വരെ പവലിയൻ പ്രവർത്തിക്കും. വോട്ടർ പട്ടികയുടെ ശുദ്ധീകരണം ലക്ഷ്യമിട്ടാണ് തെരഞ്ഞെടുപ്പ് കമ്മീഷൻ വോട്ടർ പട്ടികയുമായി ആധാർ ബന്ധിപ്പിക്കണമെന്ന നിർദേശം നൽകിയത്. ഓൺലൈൻ വഴി സ്വന്തം നിലയിലും ബൂത്ത് ലെവൽ ഓഫീസർമാരുടെ സഹായത്തോടെയും വോട്ടർ പട്ടികയുമായി ആധാർ ബന്ധിപ്പിക്കാവുന്നതാണ്. ജനാധിപത്യ പ്രക്രിയയുടെ സുതാര്യത ഉറപ്പാക്കാൻ നടത്തുന്ന ദൗത്യത്തിൽ എല്ലാവരും പങ്കാളികളാകുന്നതിനൊപ്പം, ആഘോഷ പരിപാടികളിൽ പങ്കെടുക്കാൻ എത്തുന്നവർക്കും കനകക്കുന്നിലെ സൗകര്യം പ്രയോജനപ്പെടുത്താം.
