തിരുവനന്തപുരം :നെയ്യാറ്റിന്‍കര താലൂക്കില്‍ അമരവിള കാട്ടില്‍വിളയിൽ ക്രഷര്‍ ഗോഡൗണില്‍ വാഹനത്തില്‍ ഒളിപ്പിച്ച നിലയില്‍ രേഖകളില്ലാതെ സൂക്ഷിച്ചിരുന്ന 57 ചാക്ക് ഭക്ഷ്യധാന്യങ്ങള്‍ പിടിച്ചെടുത്തതായി ജില്ലാ സപ്ലൈ ഓഫീസര്‍ അറിയിച്ചു. ഭക്ഷ്യധാന്യങ്ങള്‍ സിവില്‍ സപ്ലൈസ് ഗോഡൗണിലേക്കും വാഹനം പാറശാല പൊലീസ് സ്റ്റേഷനിലേക്കും കൈമാറിയിട്ടുണ്ട്. ഈ മേഖലയില്‍ വ്യാപകമായി ഭക്ഷ്യധാന്യങ്ങള്‍ കടത്തുന്നുവെന്ന് പരാതി ലഭിച്ചതിനെ തുടര്‍ന്ന് ജില്ലാ സപ്ലൈ ഓഫീസർ സി.എസ്.ഉണ്ണികൃഷ്ണകുമാര്‍, നെയ്യാറ്റിന്‍കര താലൂക്ക് സപ്ലൈ ഓഫീസർ അജിത്കുമാര്‍ എസ്.എസ്, റേഷനിംഗ് ഇന്‍സ്‌പെക്ടര്‍മാരായ രാജീവ്.പി, ചിത്ര.പി.നായര്‍, മത്തായി.കെ, സിജി.ഡി, അജയ്കുമാര്‍.ഡി.വി, എന്നിവര്‍ നടത്തിയ പരിശോധനയിലാണ് ഇവ പിടിച്ചെടുത്തത്.
കൊച്ചുവേളിയിൽ കെമിക്കൽ ഫാക്ടറിയിൽ തീ പിടുത്തം
26/12/2024
11:55 PM
